Ruth 2:14 - MUMA MALER 2015

¹⁴ Kane sa chiemo ochopo, Boaz nowacho ni Ruth niya, “Bi ka, ichiem.” Omiyo nobet piny but jokeyo. Boaz nomiye shairi molodi, mi nochamo moyieng’ nyaka moko nodong’.

Motingʼo Loko Manyien

¹⁴ Kane sa chiemo ochopo, Boaz nowachone niya, “Bi ka ichiem. Kaw makati mondo iluti e divai makech.” Kane obet piny gi jokeyo, ne omiye ondelo moko. Ne ochiemo moyiengʼ mi chiemo moko nodongʼ.

Ruth 2:14 ပူးပေါင်းရင်းမြစ်များ

2 Samuel 17:28

Ne gikelo kitendni, gi tewni gi agulni, kod ngano gi shairi gi mogo gi chamb aloda gi oganda gi ng’or,

Zaburi 23:5

Iketo chiemo e nyima mana ka wasika duto neno. Irwaka gi ng’wono ka iwiro wiya gi mo, kendo ipong’o kikombena, mi o piny.

Isaya 32:8

Ng’at ma jaadiera to paro mana gik makare, kendo ok we adiera kata matin.

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Mathayo 14:20

mi ji duto nochiemo moyieng’. Bang’e nokwany ng’injo modong’, mopong’o aditni apar gariyo.

Rapar mar Chik 11:15

Enomi lum lodhi e legeu mondo jambu ocham, kendo un bende unuyud chiemo moromou.

Rapar mar Chik 8:10

Kusebedo gi chiemo mang’eny, moromou, to pakuru Ruoth Nyasaye ma Nyasachu kuom piny maber mosemiyouno.

Ruth 2:13

Eka Ruth nowachone niya, “Itimona maber, ruoth, nikech ihoyo chunya, kendo iwuoyo koda maber, kata obedo ni ok an achiel kuom jotichni kamano.”

Ruth 2:15

Ka nowuok mondo odhi ohul cham, Boaz nogolo chik ni jotichne niya, “Weyeuru mondo ohul kata mana e kind tuche, kik ukwere.

Ruth 2:18

Noting’o chamgo motero dala, kendo nonyiso wuon odgi kar rombgi. Bende nogolone chiemo ma nochamo odong’, momiye.

1 Samuel 17:17

Chieng’ moro Jesse nowacho ni Daudi wuode niya, “Kaw atonga mar chamb abulani, kod makati apargi, iter piyo ni oweteni e kambi.

1 Samuel 25:18

Kuom mano Abigail noreto, mokawo makati mia ariyo, gi ndede ariyo mag divai, gi rombe abich moseyang’, gi migerni abich mag chamb aloda, gi tombo mia achiel mag olemb mzabibu motwo mong’in, kod tombo mia ariyo mag olemb ng’owo mong’in moting’ogi gi kanje.