Ruth 1:20 - MUMA MALER 2015

²⁰ To Naomi nowachonigi niya, “Kik uluonga ni Naomi, tiende ni Ng’ama Mor, to luongauru ni Malit, nikech Ng’ama Nyalo Gik Moko Duto osetimona malit ahinya.

Motingʼo Loko Manyien

²⁰ To Naomi nokonegi niya, “Kik uluonga ni Naomi, to luongauru ni Mara (tiende ni Makech), nikech Jehova Nyasaye Maratego osemiyo ngimana obedo makech miwuoro.

Ruth 1:20 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 43:14

Nyasaye Manyalo Gik Moko Duto mondo omi chuny ng’atno obed maler kodu, mi odwoknu owadu mane uweyo kuno, kaachiel gi Benjamin bende. To ka ochunore ni nyithinda nyaka tho, to kara ginitho!”

Ayub 11:7

Bende inyalo fwenyo midhierni mag Nyasaye adier? Koso inyalo ng’eyo kama duong’ne ogikie?

Ayub 19:6

To Nyasaye ema oseng’adona bura ma ok ni kare, kendo en ema ochikona obadho mondo amokie!

Ayub 5:17

Ng’at ma Nyasaye kwero en jahawi, omiyo kik imak wach e chunyi ka Nyasaye okumi.

Ayub 6:4

Nyasaye Manyalo Gik Moko Duto osechiela gi aserni mage, kendo kwichgi landore e denda duto. Adier, masiche moa kuom Nyasaye olwora koni gi koni.

Ayub 9:18

Ok onyal weyo ayue, to otimona mana gik ma miyo chunya lit.

Zaburi 73:14

nimar achandora pile odiechieng’ duto, ka ikuma okinyi kokinyi.

Zaburi 88:15

Chakre tinna aseyudo chandruok machiegni nega. Thagruok misemiya, osetieko tekona.

Wuok 15:23

Bang’e ne gichopo Marah, to ne ok ginyal modho, nimar pi mane ni kuno ne kech. Mano emomiyo nochak kanyo ni Marah (tiende ni, makech).

Wuok 6:3

Nafwenyora ni Ibrahim gi Isaka kod Jakobo ka Nyasaye Manyalo Gik Moko Duto, to ne ok aweyo ging’eya gi nyinga mar Ruoth Nyasaye.

Isaya 38:13

kendo aywak ka an gi rem malit nyaka piny ru. Chokena duto otur, mana ka gima sibuor ema oturo. Adier, isanda, chakre okinyi nyaka odhiambo,

Jo-Hibrania 12:11

E sa mikumoe ng’ato, to kum ok nenre ka gima ber, to onenore mana malit. Achien to, joma osepuonji e yor kum nyago olemo mokue, tiende ni ngima maler.

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”

Fweny 21:22

Ne ok aneno Hekalu e dalano, nimar Ruoth Nyasaye Manyalo Gik Moko Duto kod Nyarombo ema obedo Hekalu mare.