Obadia 1:9 - MUMA MALER 2015

⁹ Jolweny mag Teman biro bwok, mi noneggi, maonge kata achiel modong’ e piny gode mag Esau.

Motingʼo Loko Manyien

⁹ Jolweny magi, yaye Teman, biro bedo kod bwok kendo ji duto modak, e gode mag Esau ibiro negi.

Obadia 1:9 ပူးပေါင်းရင်းမြစ်များ

Chakruok 36:11

Yawuot Elifaz ne gin Teman gi Omar gi Zefo gi Gatam kod Kenaz.

1 Weche mag Ndalo 1:45

To kane Jobab otho, Husham ja-Teman nodoko ruoth kare.

Ayub 2:11

Osiepe Ayub adek, ma Elifaz ja-Teman gi Bildad ja-Shua kod Zofar ja-Nama nowinjo kaka Ayub osebedo gi thagruok. Omiyo ne giparo ni mondo gidhi gilime, kendo giho chunye.

Jeremia 49:20

Omiyo winjuru gima asechano timo ni Edom kaachiel gi ji modak e dalagi mar Teman. Kata mana nyithindgi bende noywa oko, mi kibaji nogo ng’ato ka ng’ato.

Jeremia 49:22

Wasigu nomonj Bozra mana ka achuth mopodho piny kuom gima otho, koa malo e kor polo ka buombene oyarore. Chieng’no jolweny mag Edom kihondko nomaki mana ka dhako ma muoch kayo.”

Jeremia 49:7

Ruoth Nyasaye Manyalo Gik Moko Duto nowuoyo kuom jo-Edom kama: “Rieko tinde orumo e piny Edom koso? Donge jorieko maggi ng’adonigi rieko? Koso tinde riekogi olal?

Ezekiel 25:13

“Koro awacho ni abiro kumo piny jo-Edom, mi aneg ji duto kod le man kuno. Pinyno nodong’ nono, ka ji tho e lweny, chakre dala mar Teman nyaka dala mar Dedan.

Amos 1:12

Kuom mano abiro oro mach Teman mondo owang’ kuonde mochiel motegno mag Bozra.”

Amos 2:16

To kata mana jolweny mathuondi moloyo noring duge chieng’no.”

Obadia 1:21

Jo-Israel biro dhi e got Sayun mondo oresi, mi god Esau nobed e bwo lochgi. To Ruoth Nyasaye ema nobed ruoth.

Obadia 1:5

“Ka jokuo obiro gotieno to gikawo mana gik ma gidwaro, kendo ka ji pono mzabibu to pile giweyo moko. Un to wasiku oseyweyou oko gi yuech!

Nahum 3:13

Jolwenji nodok manyap ka mon. Dhorangeye mag pinyi noyawre malach ni wasigu, kendo mach nowang’gi pep.

Habakuk 3:3

Nyasaye biro koa Teman. Ee, Ng’ama Ler biro koa got Paran. Duong’ne maler opong’o kor polo kaachiel gi piny.

Rapar mar Chik 2:5

Ginibed maluor ka ginenou, to un nyaka une ni ok ukwinyogi, nikech ok namiu pinygi kata matin nono, nimar piny gode mag Seir asemiyo Esau ka mwandune.