Obadia 1:3 - MUMA MALER 2015

³ Sunga ma un-go osewuondou! Udak e mbita mar lwanda motegno, kendo dalau ni ewi gode malo. Mano emomiyo uwacho kendu uwegi niya, ‘Ere ng’ama didwokwa piny?’

Motingʼo Loko Manyien

³ Sunga manie chunyu osewuondou, un mudak e kind lwendni, kendo ugero miechu kuonde motingʼore, un ma uwacho kendu niya, ‘En ngʼa manyalo dwokowa piny?’

Obadia 1:3 ပူးပေါင်းရင်းမြစ်များ

Chakruok 36:8

Kamano Esau ma bende iluongo ni Edom nodak e piny gode mag Seir.

2 Ruodhi 14:7

Amazia nonego jo-Edom alufu apar e holo Kado, mi okawo Sela gi lweny, mochako ni Joksheel. Pod iluonge kamano nyaka chil kawuono.

2 Weche mag Ndalo 25:11

To Amazia notimo chir, mowuok gi jo-Juda ka gidhi holo Kado, mi ne ginego jo-Seir alufu apar kuno.

2 Weche mag Ndalo 25:12

Bende ne gimako ji alufu apar kangima, mi ne gitero ewi lwanda moro, kendo ne gidhirogi piny, mi githo ka gitur bonje bonje.

Ayub 20:6

Kata obedo ni osungore mi ochop nyaka e polo, kendo kata obedo maduong’, ma wiye geyo mana boche polo,

Ngeche 16:18

Sunga kelo masira, kendo ng’ayi miyo ng’ato chwanyore.

Ngeche 18:12

Ng’at mamuol ema yudo duong’. Jasunga to luwo yo mochiko kethruok.

Ngeche 29:23

Sunga ema miyo ji podho. Joma muol to yudo luor.

Isaya 16:6

Wasewinjo humb jo-Moab, kaka gin josunga. Adier, wasewinjo kaka ging’are malich, kendo kaka wechegi opong’ gi miriambo lilo.

Jeremia 21:13

Un jo-Jerusalem, dalau obet e bath holni mana ka lwanda mogingore e pap. To an Ruoth Nyasaye abiro kedo kodu. Uwacho ni onge ng’at ma nyalo monjou kata ma nyalo mwomo ohingau.

Jeremia 37:9

An Ruoth Nyasaye anyisou ni kik uwuondru ka ugalo ni jo-Babulon ok nochak oduogi, nikech adier, gibiro duogo.

Jeremia 48:28

Koro un jo-Moab, ayeuru e miechu udhi udag e gode maboyo, mondo uchal gi akuru mogero ode e bath lwanda marabora morokore.

Jeremia 49:16

Sunga ma un go osewuondou, to chutho onge ng’ama oluorou kaka uparono. Udak malo e lwendni morokore manie wi gode maboyo. To kata obedo ni udak malo mabor kaka ongo kamano, to Ruoth Nyasaye biro lorou piny. Ruoth Nyasaye ema owacho kamano.”

Jeremia 49:4

Ere gima omiyo usungoru, un joma andhokegi, to tekou orumo? Ang’o momiyo uparo ni un rateke, kendo ni onge ng’ama dihedhre monjou?

Ezekiel 28:16

Ne iketo chunyi kuom tich ohala, mi mano nomiyo idonjo e timbe mahundu kod richo. Kuom mano ne oriembi oko e goda maler, kendo kerubi mane riti ne ogoli oko kuom kite mang’ang’nigo.

Malaki 1:4

Ka nyikwa Esau ma jo-Edom owacho ni kata obedo ni miechgi osekethi kamano, to gibiro gerogi kendo, to Ruoth Nyasaye Manyalo Gik Moko Duto dwoko niya, “We mondo gigergi, to abiro kethogi kendo, mi ji noluong jogo ni oganda mar kethruok ma Ruoth Nyasaye okechogo nyaka chieng’.