Ngeche 8:8 - MUMA MALER 2015

⁸ Chutho, gik moko duto ma awacho long’o, kendo onge miriambo kata miganga moro.

Motingʼo Loko Manyien

⁸ Weche duto mawuok e dhoga gin kare, onge moro kuomgi mobam kata modwanyore.

Ngeche 8:8 ပူးပေါင်းရင်းမြစ်များ

Zaburi 12:6

Weche Nyasaye gin weche migeno, nikech giliw ka fedha moleny e mach dibiriyo.

Ngeche 14:6

Ng’at ma jasunga ok nyal bedo mariek. Ng’at ma weche donjone to puonjore piyopiyo.

Ngeche 2:15

kendo gin joma yoregi ogajore ogajore.

Ngeche 4:2

Weche ma apuonjou beyo, omiyo makgiuru matek.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 45:23

An Nyasaye mangima asekuong’ora! Adier, gima owuok e dhoga en adier, kendo ok nyal lokore. Asesingora ka awacho niya, “Ji duto nogona chonggi piny, kendo ng’ato ka ng’ato nokuong’re ni biro luwa.”

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Johana 7:46

To ne gidwoko niya, “Pok wanenoe ng’at mawuoyo ka ng’atni!”

Rapar mar Chik 32:5

Tieng’ni to en tieng’ makoch, kendo mobam, ma timbegi mobam nyiso ni ok gin nyithind Ruoth Nyasaye.

Jo-Filipi 2:15

Nyaka ubed nyithind Nyasaye maler kendo maonge wach, kubedo maonge ketho e kind tieng’ mobam kendo ma jarichoni, mondo urieny e kindgi ka sulue marieny e polo,