Ngeche 8:36 - MUMA MALER 2015

³⁶ To ng’at ma ok oyuda, hinyore owuon. Chutho, ng’at ma mon koda, ohero mana tho!”

Motingʼo Loko Manyien

³⁶ To ngʼatno ma odaga hinyore kende owuon; jogo duto mamon koda ohero tho.”

Ngeche 8:36 ပူးပေါင်းရင်းမြစ်များ

Ayub 35:6

Ka itimo richo, to mano ok hiny Nyasaye. Koso iparo ni kitimo gik maricho mang’eny, to mano timo Nyasaye gimoro?

Ngeche 1:31

Kuom mano, unuyud gima owinjore kodu, kendo timbeu uwegi noromu!

Ngeche 1:32

Ji ma ok ong’eyo gik moko tho mana nikech gidagi rieko, kendo joma ofuwo rumo nikech ok gidew gik moko.

Ngeche 12:1

Ng’at ma ohero rieko bedo mamor ka onyise gima rach ma osetimo, to ng’at motamore ni kik rieye chalo mana le.

Ngeche 15:32

Ng’at ma tamore puonj hinyore kende owuon, to ng’ama yie kikwero medo bedo mariek.

Ngeche 20:2

Ka ruoth okecho, to nyaka iluore, mana kaka iluoro sibuor karuto, nikech kimedo wang’o iye, to ichalo mana gi ng’ama dere.

Ngeche 21:6

Mwandu moyudi e yor miganga lal piyopiyo nono, to bende gitero ji e tho.

Isaya 3:9

Wang’gi ema nyiso ni gin joricho, kendo gihulo richogi ahula ma ok gipando, mana ka jo-Sodom. Yaye, mano kaka ginine masira, nikech giniyud pok mowinjore gi timbegi maricho.

Jeremia 27:13

Ere gimomiyo in kod jogi duto, to Nyasaye osewacho ni lweny kata kech kata tuo biro nego oganda moro amora ma ok ti ni ruodh Babulon?

Ezekiel 18:31

Adier, weuru richo duto ma usebedo ka utimo mondo ubed gi chuny manyien kod paro malong’o. Ere gima omiyo udwaro tho, un jo-Israel?

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Tich Joote 13:46

To Paulo gi Barnaba ne jomedo wuoyo gi chir moloyo, ka giwacho ni, “Un ema owinjore kwong landnu Wach Nyasaye. To kaka usedage, kendo ok une ni uwinjoru gi ngima ma nyaka chieng’, koro wabiro weyou mondo wadhi ir ogendini ma ok jo-Yahudi,

Tich Joote 16:28

To Paulo nokok matek ni, “Kik iketh dendi! Wantie waduto!”

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

Jo-Hibrania 2:3

Wan to dwatony nade, ka wajwang’o warruok maduong’ makama? Ruoth Yesu owuon ema nokwongo nyiso ji wach warruokno, eka joma nowinjo wachno nonyisowa ni en adier.