Ngeche 8:13 - MUMA MALER 2015

¹³ Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Motingʼo Loko Manyien

¹³ Luoro Jehova Nyasaye en sin gi richo; amon gi sunga kod ngʼayi, timbe maricho kod wuoyo mochido.

Ngeche 8:13 ပူးပေါင်းရင်းမြစ်များ

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Zaburi 101:3

Adier, abiro bet mabor gi richo. Asin gi timbe joma weyo Nyasaye, kendo ok nariwra kodgi kata matin.

Zaburi 119:104

Chikeni ema miya rieko, omiyo achayo timbe duto maricho.

Zaburi 119:128

Kuom mano, aluwo chikeni duto, to yore maricho duto amon-go.

Zaburi 138:6

Kata obedo ni in malo chutho, A Ruoth Nyasaye, to pod ikecho joma ni e piny. Josunga bende ok nyal pondoni!

Zaburi 97:10

A Nyasaye, ihero joma mon gi richo. Irito ngima jogi, kendo iresogi e lwet joricho.

Wuok 1:17

To jocholo noluoro Nyasaye, omiyo ne gichayo chik ruoth, mi ne ok ginego nyithindo machwo.

Ngeche 10:31

Joma kare wacho weche mariek Lep mawacho weche maricho to ibiro ng’ado oko.

Ngeche 15:9

Ruoth Nyasaye mon gi timbe joma richo, to ohero joma timo gik makare.

Ngeche 16:18

Sunga kelo masira, kendo ng’ayi miyo ng’ato chwanyore.

Ngeche 16:5

Ruoth Nyasaye mon gi ng’ato ang’ata ma jasunga. Ng’at makamano to ok notony ngang’ mak oyudo kum.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 3:7

Kik iwe chunyi wuondi ni iriek, to luor aluora Ruoth Nyasaye, kendo bed mabor gi richo

Ngeche 4:24

Kik iwach gimoro ma ok adiera, bende bed mabor gi miriambo kod weche mag miganga.

Ngeche 6:12

Ji manono ma joricho wuotho awuotha kawacho miriambo.

Isaya 13:11

Abiro kelo masira e piny, kendo abiro kumo joma timbegi mono kaka owinjore, mondo ng’ayi mag josunga orum, kendo athir nyadhi mag joma wang’gi tek.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Amos 6:8

Ruoth Nyasaye Manyalo Gik Moko Duto osesingore owuon niya, “Asin gi sunga mar joka Jakobo, kendo asin gi utgi madongo dongo. Abiro chiwo Samaria ma dalagi, kod gik moko duto man e iye e lwet wasigu.

Zekaria 8:17

Kik ng’ato chan timo gima mono ni wadgi, kendo kik ukuong’ru gi miriambo, nikech amon gi gik ma kamago duto. An Ruoth Nyasaye Manyalo Gik Moko Duto ema awacho kamano.”

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

1 Jo-Thesalonika 5:22

to weuru maricho duto.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”

1 Samuel 2:3

Weuru sungruok mukwarorugo, kendo ng’ayi kik wuog e dhou, nikech Ruoth Nyasaye en Nyasaye mong’eyo gik moko duto, kendo en ema opimo timbe dhano.