Ngeche 7:7 - MUMA MALER 2015

⁷ ne aneno yawuowi moko mapok otegno, to e kindgi ne nitie wuowi moro ma onge gi rieko kata matin.

Motingʼo Loko Manyien

⁷ ne aneno e dier joma ngʼeyogi tin, ne afwenyo e dier yawuowi matindo, rawera maonge gi rieko.

Ngeche 7:7 ပူးပေါင်းရင်းမြစ်များ

Ayub 24:15

Ng’at ma ja terruok rito mondo piny oimre, kendo opando wang’e mondo kik ng’eye.

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 19:7

Chik Nyasaye long’o kendo chiwo ngima manyien. Weche mag Nyasaye gin weche mogen. Gichiwo rieko ni joma ongego.

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Ngeche 1:32

Ji ma ok ong’eyo gik moko tho mana nikech gidagi rieko, kendo joma ofuwo rumo nikech ok gidew gik moko.

Ngeche 1:4

Bende ginyalo miyo joma ok ong’eyo weche mang’eny bed mariek, kendo gipuonjo joma tindo ng’eyo weche mopogore opogore.

Ngeche 10:13

Joma riek pile wacho weche mariek. Joma ofuwo to onego ochwadi.

Ngeche 12:11

Ng’at mapuro matek, nyaka yud chiemo mang’eny. To ng’at maketho sechene gi timbe manono en ng’at mofuwo.

Ngeche 14:15

Ng’at ma riekone tin yie gimoro amora mowinjo. Ng’ama riek to ong’eyo pogo weche.

Ngeche 14:18

Joma omemore yudo gima owinjore gi fupgi. Joma riek to riekogi medore ameda.

Ngeche 19:2

Ng’at maonge gi rieko to gombo gik moko, ok nyal dhi nyime maber. Jarikni jamuod nyoyo gi kuoyo.

Ngeche 19:25

Josunga nyaka kum mondo joma kia gik moko opuonjre. Ng’at mariek to puonjore apuonja kokwere.

Ngeche 22:3

Ng’at man gi rieko neno chandruok kabiro, kendo tang’. Ng’at ma riekone tin to mwomore amwoma e chandruok, eka achien oywago ang’e.

Ngeche 24:30

Ne oyudo awuotho e puothe mag ng’at ma jasamwoyo kendo ma riekone tin.

Ngeche 27:12

Ng’at man gi rieko neno chandruok ka biro, kendo tang’. Ng’at ma riekone tin to mwomore amwoma e chandruok eka achien oywago ang’e.

Ngeche 5:1

Wuoda, chik iti, mondo iwinj rieko kod paro ma an go.

Ngeche 6:20

Wuoda, tim gik ma wuoru nyisi, bende kik idagi puonj meru.

Ngeche 6:32

Kamano bende, ng’at ma terore gi chi ng’ato onge rieko, nimar oketho mana ngimane owuon.

Ngeche 8:5

Un joma pod yom, winjuru kaka onego udok motegno. Un joma ofuwo, winjuru kaka onego uyud rieko

Ngeche 9:16

“Biuru, un joma onge gi rieko.” Ng’ama ofuwo to owachone niya,

Ngeche 9:4

“Biuru un joma onge gi rieko.” Ng’at ma ofuwo, bende rieko wachone niya,

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Mathayo 15:16

Yesu nodwokogi ni, “Kara un bende weche pok odonjonu?