Ngeche 6:6 - MUMA MALER 2015

⁶ Joma nyap onego oneye kaka biye odak, mondo opuonjre rieko.

Motingʼo Loko Manyien

⁶ In janyawo, dhi ir biye; mondo ineye kendo ipar yoregi, mondo ibed mariek!

Ngeche 6:6 ပူးပေါင်းရင်းမြစ်များ

Ngeche 1:17

Kata ka ichiko obadho ka winy neno, to pod gimokoe amoka.

Ngeche 10:26

Kik iwe jasamwoyo timni gimoro, nikech obiro chaloni ka kedhno marewo dhok, kendo ka iro malungo wang’.

Ngeche 10:4

Bedo jasamwoyo miyo ng’ato bedo jachan. Tich matek to kelo mwandu.

Ngeche 13:4

Ng’at ma jasamwoyo nyalo dwaro gimoro ahinya, to ok onyal yudo. Jakinda to yudo gik moko duto ma odwaro.

Ngeche 15:19

Yo ma jasamwoyo luwo otimo kudho lilo. Ng’at ma ratego to luwo yo maler.

Ngeche 18:9

Jasamwoyo rach mana ka ng’at ma ketho gik moko.

Ngeche 19:15

Nindo mit ni jasamwoyo, to ng’at makamano kech biro nego.

Ngeche 19:24

Ng’at ma jasamwoyo luto lwete e tawo, to tero lwete e dhoge tame.

Ngeche 20:4

Jasamuoyo ma ok pur puothe e kinde mowinjore ok nyal yudo cham e ndalo keyo.

Ngeche 21:25

Ng’at ma jasamwoyo ma ok ohero tich negore mana kende owuon.

Ngeche 22:13

Ng’at ma janyawo budho abudha e dala, kawacho ni sibuor dipo kochame kowuok oko.

Ngeche 23:19

Wuoda, winja mondo ibed mariek, kendo ket chunyi kuom tim maber.

Ngeche 30:24

Nitie gik moko ang’wen e piny ma tindo ahinya, to giriek malich!

Ngeche 30:25

Mokwongo gin biye. Gionge gi teko mathoth, to gikano chiembgi e ndalo chwiri.

Ngeche 6:9

Koro, in ng’at ma jasamwoyo, to ibiro budho abudha nyaka karang’o? Koso karang’o ma ibiro chung’ ia kama inindoe?

Isaya 1:3

Dhiang’ ong’eyo wuon-go, kendo kanyna bende ong’eyo kund wuon. Jo-Israel to ok ong’eya. Adier, joga awuon onge gi paro!

Jeremia 8:7

To kata ogungo mae kor polo ong’eyo ndalogi mag dar, kendo kata akuru gi opija gi nyamnaha bende ong’eyo ndalo ma giduogoe, joga to kia chikena.

Mathayo 25:26

To ruodhe nowachone niya, ‘Yaye, in jatich marach, kendo ma jasamuoyo! Kara in ing’eyo kama ne ok achuoyoe, kendo achoko cham kama ne ok aludoe?

Mathayo 6:26

Ok uneye winy ma huyo e kor polo? Ok gichwo kodhi, bende ok gika cham, kendo dere bende giongego, to Wuonu manie polo pod pidhogi apidha. To un donge uberne moloyo winy ndalo mang’eny?

Jo-Rumi 12:11

Timuru kinda maonge samuoyo, kendo keturu chunyu kuom tiyo matek ni Ruoth.

Jo-Hibrania 6:12

Kik utim samuoyo, to beduru joma luwo ranyisi mar jogo mayudo gik ma Nyasaye nosingore ni nomigi nikech giyie kendo gitimo kinda.