Ngeche 6:26 - MUMA MALER 2015

²⁶ Ng’ato nyalo yudo ohodho gi pesa matin moromo mana makati achiel. Terruok gi chi ng’ato to biro mana tieko ngimani duto!

Motingʼo Loko Manyien

²⁶ Nikech ochot nyalo miyo ibed matin maromo gi nengo makati, to dhako ma jachode biro tieko ngimani.

Ngeche 6:26 ပူးပေါင်းရင်းမြစ်များ

Chakruok 39:14

noluongo jotich ode, mowachonigi niya, “Neuru! Chwora nokelo ja-Hibraniani e odwa mondo okuod wiwa! Nodonjo e ot mondo oriwre koda, to nagoyo uwi matek.

Chakruok 39:7

Bang’ ndalo moko, chi ruodhe norange ka gombe, mowachone niya, “Bi mondo iriwri koda.”

Ngeche 23:28

Gibuto ni ji ka jomecho, kendo gimiyo ji mathoth donjo e richo.

Ngeche 29:3

Ng’at mohero rieko miyo wuon mare mor. Ng’at ma jachode to ketho mwandune aketha.

Ngeche 29:8

Joma ok dew jowadgi nyalo kelo miero e gweng’. Joma riek to temo kweyo mirimb ji.

Ngeche 5:10

Adier, jomoko nono dikaw mwanduni, kendo gik moko duto misechoko dibed mag ng’at machielo

Ngeche 5:9

To kapo ni itimo kamano, to jomoko nono ema biro yudo duong’ ma in go, kendo initho e lwet jomahundu ka pod itin.

Ngeche 6:27

Bende diting’ mach e kori, mak lepi owang’?

Ngeche 7:23

ka kia ni ochomo asere ma biro hobo adundone, kata ka winyo mochiko obadho motegne, to en owuon ok ong’eyo ni ngimane ni e tho!

Ezekiel 13:18

kinyisogi ni, an Ruoth Nyasaye awacho kama: Un mon, unune malit! Utwang’o ris e lwet ji duto, kendo uloso kitembni mutwang’oe yath, mondo ji oumgo wigi, eka gibed gi teko mar tieko ngima ji. To bende uparo ni ayie mondo ubed gi teko mar nego ji kata mar resogi mondo uyudgo ohala?

Ezekiel 13:8

“Kuom mano, an Ruoth Nyasaye awachonigi kama: “Amon kodu nikech wecheu gin miriambo, kendo fweny ma uneno ok gin madier.

Luka 15:30

To koro ka wuodi mosechamo mwanduni duto gi jochode obiro, to iyang’one nyarwath machwe!’

1 Samuel 2:36

Jo-dhoodi duto ma nodong’ ka ngima nobi ire, kakwaye fedha matin, kata kuon matin. Giniwach niya, “Asayi, keta e tich kama jadolo moro tiyoe, mondo ayudie gima dacham.” ’ ”