Ngeche 6:23 - MUMA MALER 2015

²³ Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Motingʼo Loko Manyien

²³ Nikech chikegi gin taya, to puonjni en ler, kendo kwer mikwerogo ngʼato kuom gima otimo marach kelo mana ngima,

Ngeche 6:23 ပူးပေါင်းရင်းမြစ်များ

Chakruok 39:8

To Josef nodagi, mowachone niya, “Ruodha ok ong’eyo gimoro amora manie ode, kendo oseketo gik moko duto e lweta.

Zaburi 119:105

Wachni e taya ma nyisa kama anyono, kendo e ler ma menyona yo.

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Zaburi 19:8

Chike mag Ruoth Nyasaye ni kare kendo miyo chuny mor. Adier, chike Nyasaye beyo kendo yawo wang’.

Ngeche 10:17

Ng’at moyie weche mirieyego nobed mangima, to ng’at motamore kethone obayo yo.

Ngeche 15:24

Ng’at mariek idho yo matere e ngima, to ok oluw yo maridore kochomo tho.

Ngeche 15:31

Ng’at ma chiko ite kikwero bedo e kanyakla mar joma riek.

Ngeche 29:15

Ka ichwado nyathi, kendo ikwere, eka ikonye bedo mariek. Nyathi mowe aweya to kelo ni min mare wichkuot.

Ngeche 3:18

En ludh ngima ni jogo duto man kode, kendo joma opadore kuome gin johawi.

Ngeche 4:13

Pile par gima isepuonjori, kendo rite maber nikech en e ngimani.

Ngeche 4:4

to wuora ne puonja kanyisa niya, “Par gik ma anyisi, kendo kik wiyi wil kodgi. Bende tim kaka anyisi, eka inibed mangima.

Ngeche 5:12

Bang’e iniwach niya, “Ang’o mane omona puonjora rieko? Koso ere gima nomiyo adagi, ni ng’ato ok nyisa gima atimo marach?

Eklesiastes 7:26

Ne ayudo ka dhako kech moloyo tho. Herane nyalo maki mana ka obadho kata ka tol, kendo bade ma okwakigo tueyi mana ka nyororo! Ng’at mohero Nyasaye to nyalo tony mak omako. Jaricho to ok nyal yombe.

Eklesiastes 7:5

Ber mondo ng’at mariek okweri gimoro, moloyo yudo pak kuom joma ofuwo,

Isaya 8:20

Adier, ji nyalo wachonu weche makamago, to kata kamano gima giwacho onge tich.

Jeremia 21:8

Ruoth Nyasaye ne ochako owacho ni Jeremia mondo onyis ji kama: “Winjuru an Ruoth Nyasaye aketonu yore ariyo mondo uyier achiel kuomgi. Achiel en dhi e ngima, to machielo en dhi e tho.

Ezekiel 20:11

Eka ne amiyogi chikena, kendo apuonjogi buchena, ma ka ng’ato orito, to yudo ngima.

Tim jo-Lawi 19:17

Kik imak sadha gi wadu, to nyaka inyise kethone wang’ gi wang’; mano eka ok dibed jaketho.

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

Fweny 2:5

Parie kama iseaye ka ipodho! Lok chunyi mondo itim gik mane itimo mokwongo. To ka ok iloko chunyi, to anabi mi agol tachi kare.