Ngeche 6:17 - MUMA MALER 2015

¹⁷ Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho,

Motingʼo Loko Manyien

¹⁷ wenge mag sunga, lep mariambo, lwedo machwero remo maonge ketho,

Ngeche 6:17 ပူးပေါင်းရင်းမြစ်များ

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

2 Ruodhi 24:4

kopong’o Jerusalem gi remb joma onge ketho.

Zaburi 10:4

Owuoyo gi sunga niya, “Nyasaye ok dew gik ma atimo, omiyo ok obi kuma.” Mano e gima jaricho paro.

Zaburi 101:5

Anatiek ng’ato ang’ata maketho nying wadgi gi weche maricho, kendo ok nayie gi ng’at ma jasunga mochayo ji.

Zaburi 131:1

A Ruoth Nyasaye, aseweyo ng’ayi, kendo abet mabor gi wang’ teko. Ok adwar chandora gi gik madongo, kata gi weche matek modhiera ng’eyo.

Zaburi 18:27

Ireso joma muol, to josunga idwoko piny.

Zaburi 31:18

Mak dho jomriambo ma josunga, ma wuoyo ka jaro joma kare.

Zaburi 5:6

Itieko jomriambo duto, kendo ichayo jomahundu kod jowuond duto.

Zaburi 5:7

An awuon to anyalo donjo e odi nikech herani maduong’. Anyalo lemo e Hekalu mari maler, kakulorani gi luor.

Ngeche 1:11

Ginyalo wacho niya, “Bi mondo wabut ni ng’ato, wanegi, kendo wamonj joma onge ketho kayiem nono,

Ngeche 1:16

Gireto piyopiyo ka gidwaro timo richo, kendo girikni ni chuero remo!

Ngeche 12:22

Ruoth Nyasaye mon gi jomriambo, to omor gi joma wacho adiera.

Ngeche 14:5

Janeno malong’o pile wacho adiera. Janeno ma mibadhi to wacho mana miriambo lilo.

Ngeche 16:5

Ruoth Nyasaye mon gi ng’ato ang’ata ma jasunga. Ng’at makamano to ok notony ngang’ mak oyudo kum.

Ngeche 17:7

Ng’at mogen ok riambi, mana kaka ng’at mofuwo ok nyal wacho gima kelo konyruok.

Ngeche 21:4

Wang’teko kod sunga ema otelo ni joma timbegi mono, to mano en richo.

Ngeche 26:28

Lep mawacho miriambo, mon gi adiera, kendo dhok ma pero ji kelo masira.

Ngeche 28:17

Ng’at ma oneko, ochomo mana kar joma otho. Omiyo ng’ato kik geng’e.

Ngeche 30:13

Bende nitie ji moko ma paro ni beyo ahinya. Yaye, mano kaka gisungore!

Ngeche 6:16

Nitie gik moko auchiel ma Nyasaye mon-go. To chutho, gin gik moko abiriyo ma ok onyal yiego:

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 3:16

Eka Ruoth Nyasaye nochako owacho niya, “Mond Sayun sungore kendo kawore, ka ging’ayo ng’utgi malo, kendo gimoyo wang’gi. Bende giwuotho ka ging’adore kendo manyonge manie tiendegi ywak.

Isaya 3:9

Wang’gi ema nyiso ni gin joricho, kendo gihulo richogi ahula ma ok gipando, mana ka jo-Sodom. Yaye, mano kaka ginine masira, nikech giniyud pok mowinjore gi timbegi maricho.

Jeremia 26:15

To nyaka ung’e ni ka unega, to un gi ji duto modak e dalani unubed joketho kuom nego ng’at ma onge ketho, nimar Ruoth Nyasaye ema oseora mondo anyisu wechego duto.”

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

Rapar mar Chik 19:10

Kuyiero miego, to remb joma onge ketho ok nochuer e piny ma Ruoth Nyasaye ma Nyasachu biro miyou obed mwanduu, kendo richo mar chuero remo ok nobed kuomu.

Rapar mar Chik 27:25

“ ‘Okuong’ ng’at mochamo asoya mondo oneg ng’at ma onge gi ketho.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.