Ngeche 6:16 - MUMA MALER 2015

¹⁶ Nitie gik moko auchiel ma Nyasaye mon-go. To chutho, gin gik moko abiriyo ma ok onyal yiego:

Motingʼo Loko Manyien

¹⁶ Nitie gik moko auchiel ma Jehova Nyasaye mon-go, chutho gin gik moko abiriyo ma ok more:

Ngeche 6:16 ပူးပေါင်းရင်းမြစ်များ

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

Ayub 5:19

E kinde ka kinde obiro resi kuom hinyruok.

Zaburi 11:5

Onono joma beyo kaachiel gi joma richo, kendo chunye mon gi ng’at matimo timbe mahundu.

Zaburi 5:7

An awuon to anyalo donjo e odi nikech herani maduong’. Anyalo lemo e Hekalu mari maler, kakulorani gi luor.

Ngeche 11:1

Ruoth Nyasaye mon gi joma pimo gik moko gi rapim ma ok ni kare, to rapim makare ema omorgo.

Ngeche 11:20

Ruoth Nyasaye mon gi joma timbegi obam, to ohero joma timo timbe makare.

Ngeche 12:22

Ruoth Nyasaye mon gi jomriambo, to omor gi joma wacho adiera.

Ngeche 17:15

Kumo ng’at maonge ketho, kata weyo jaricho aweya, gin gik ma Ruoth Nyasaye mon-go.

Ngeche 20:10

Ruoth Nyasaye mon gi rapim ma ok ni kare.

Ngeche 20:23

Ruoth Nyasaye mon gi joma tiyo gi rapim ma ok ni kare.

Ngeche 21:4

Wang’teko kod sunga ema otelo ni joma timbegi mono, to mano en richo.

Ngeche 3:32

nimar Ruoth Nyasaye mon gi joricho, to ogeno joma kare.

Ngeche 30:18

Nitie gik moko adek motama winjo. Chutho, gin gik moko ang’wen ma tiendgi odhiera ng’eyo.

Ngeche 30:21

Nitie gik moko adek ma chando piny. Chutho, gin gik moko ang’wen ma piny ok nyal yiego.

Ngeche 30:24

Nitie gik moko ang’wen e piny ma tindo ahinya, to giriek malich!

Ngeche 30:29

Nitie gik moko adek ma ber rango, kawuotho. Chutho, gin gik moko ang’wen.

Ngeche 6:15

Kuom mano, masiche biro makogi apoya, mi gihinyre malit.

Ngeche 6:17

Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho,

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Jeremia 26:15

To nyaka ung’e ni ka unega, to un gi ji duto modak e dalani unubed joketho kuom nego ng’at ma onge ketho, nimar Ruoth Nyasaye ema oseora mondo anyisu wechego duto.”

Amos 1:11

Ruoth Nyasaye owacho niya, “Jo-Edom osetimo richo mang’eny, omiyo abiro kumogi mak orem, nikech ne gimonjo jowetegi ma jo-Israel, mi ginego malit, kendo ne ok gigeng’o mirimbgi, to ne gisiko ka gimako kodgi sadha marach.

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Amos 1:6

Ruoth Nyasaye owacho niya, “Jo-Gaza osetimo richo mang’eny, omiyo abiro kumogi mak orem, nikech ne gikawo oganda ngima, mi giketo e lwet jo-Edom.

Amos 1:9

Ruoth Nyasaye owacho niya, “Jo-Turo osetimo richo mang’eny, omiyo abiro kumogi mak orem, nikech ne gidaro oganda moro, mi gitero e piny Edom e tuech, ka ok girito winjruok mar osiep mane gitimo kodgi.

Amos 2:1

Ruoth Nyasaye owacho niya, “Jo-Moab osetimo richo mang’eny, omiyo abiro kumogi mak orem, nikech ne giwango choke ruodh Edom mi giloko buru.

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Amos 2:6

Ruoth Nyasaye owacho niya, “Un jo-Israel usetimo richo mang’eny, omiyo abiro kumou mak orem, nimar ung’iewo joma onge gi ketho, nikech pok gichulo gopegi. Joma odhier ma ok nyal chulo kata mana nengo patpat bende ung’iewo ka wasumbni.

Zekaria 8:17

Kik ng’ato chan timo gima mono ni wadgi, kendo kik ukuong’ru gi miriambo, nikech amon gi gik ma kamago duto. An Ruoth Nyasaye Manyalo Gik Moko Duto ema awacho kamano.”

Rapar mar Chik 23:18

Pesa ma dhako moro kata ma dichwo moro oyudo kuom chode kik kel e Od Ruoth Nyasaye ma Nyasachu mondo ochopgo kuong’ruok, nikech pesa moyud kamano okwedi e nyim Ruoth Nyasaye ma Nyasachu.

Rapar mar Chik 24:4

to chwore mokwongo mane oriembe cha kik chak kawe mi loke chiege kendo, nikech koro osedokone mogak. Tim ma kamano en kuero e nyim Ruoth Nyasaye ma Nyasachu, kendo dikel richo e piny ma Ruoth Nyasaye ma Nyasachu biro miyou obed mwanduu.

Rapar mar Chik 25:16

Joma timo gik ma kamago kawuondo ji, okwedi e nyim Ruoth Nyasaye.

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.