Ngeche 6:12 - MUMA MALER 2015

¹² Ji manono ma joricho wuotho awuotha kawacho miriambo.

Motingʼo Loko Manyien

¹² Ngʼat mamono kendo jaricho mawuotho awuotha kowacho weche mogak,

Ngeche 6:12 ပူးပေါင်းရင်းမြစ်များ

Zaburi 10:3

Jaricho pakore kuom gombone maricho. Odagi Ruoth Nyasaye kendo okwedo ka wuoro omake.

Zaburi 10:7

Wechene opong’ gi kuong’ kod miriambo kendo obwogo ji. Dhoge yot e wacho weche maricho mag ajara.

Zaburi 101:3

Adier, abiro bet mabor gi richo. Asin gi timbe joma weyo Nyasaye, kendo ok nariwra kodgi kata matin.

Zaburi 36:3

Wechene richo kendo oting’o miriambo lilo. Rieko oselalne, omiyo ok onyal timo gimoro maber.

Zaburi 59:7

Winjie weche manono ma giwachogo! Lewgi bith ka ligangla, to eka pod giwacho niya, “Ere ng’ama biro winjowa?”

Ngeche 10:32

Ng’at makare ong’eyo gima onego owachi e sa mowinjore. Joricho to pile wacho gik machwanyo ji.

Ngeche 11:6

Tim makare reso ng’ama kare. Ng’at ma achach, to wuoche owuon ema rwako wino e ng’ute.

Ngeche 16:27

Ng’at ma chunye rach ohero mana ero miero, kendo wechene chalo mach mager!

Ngeche 16:30

Tang’ ni ng’ama buonjo kodi, ka simi gi wang’e, nimar nyaka bed ni ochano timo gimoro marach.

Ngeche 17:4

Joma timbegi mono ohero winjo weche maricho. Jomriambo bende kuoth ema mitnigi.

Ngeche 2:12

kendo ginitelni mondo kik itim gimoro marach. Ginimi ibed mabor gi joma wacho weche makelo miero.

Ngeche 3:32

nimar Ruoth Nyasaye mon gi joricho, to ogeno joma kare.

Ngeche 4:24

Kik iwach gimoro ma ok adiera, bende bed mabor gi miriambo kod weche mag miganga.

Ngeche 6:14

Gichano mana timo richo, ka giwacho weche makelo miero.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Jeremia 24:2

Atonga achiel noting’o ng’owo mabeyo machiek atamalo, to atonga machielo noting’o ng’owo maricho ma ok nyal cham.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Tich Joote 20:30

Ndalo biro ma jomoko nowuogie kuomu, mi puonj weche ma miriambo mondo giywago jopuonjre oluwgi.

1 Timotheo 5:13

Bende ka giwuotho e mier ka gitiyo, to gipuonjore doko josamuoyo, to ok mana josamuoyo kende, to bende giting’o weche koni gi koni, kendo gidonjo e weche ma ok mekgi, ka giwacho gik ma ok owinjore giwachi.

Jakobo 1:21

Emomiyo wituru gik mochido, gi timbe maricho mogundho. Bolreuru e nyim Nyasaye, kendo yieuru wach mane opidhi e chunyu, nikech en gi teko mar warou.

Jakobo 3:6

Kamano lep bende en mach. En piny mopong’ gi timbe maricho. Kuom fuondewa, lep ema ketho ringrewa duto, kendo omoko mach e ngima dhano duto. En owuon to imoke e mach mak tho.

1 Samuel 17:28

To kane Eliab, owadgi Daudi maduong’, owinjo Daudi ka wuoyo gi jogo, mirima nomake kode, mopenje niya, “Ang’o mokeli ka? Koso ng’ama iweyo ka ritoni rombe manok kande e thim? Ang’eyo sing’ayini, kod richo manie chunyi. Isebiro mana ni mondo ine lweny!”