Ngeche 5:6 - MUMA MALER 2015

⁶ Ok omok e yo madhi e ngima, to obagni abaga koni gi koni, kendo mano ok obadhe.

Motingʼo Loko Manyien

⁶ Ok opar ngangʼ yor ngima; yorene ogondore, to ok ongʼeyo kamano.

Ngeche 5:6 ပူးပေါင်းရင်းမြစ်များ

Zaburi 119:59

Aserango timbena, mi asingora ni nyaka aluw chikeni.

Zaburi 16:11

Inyisa yo matera e ngima. Kama intie ema ilo maduong’ yudoree, kendo e lweti ma korachwich ema gik mamiyo chuny mor nitie mosiko.

Ngeche 11:19

Ng’at ma oketo chunye kuom tim makare nobed mangima, to ng’at mosiko ka timo richo notho.

Ngeche 2:19

Ng’ato ang’ata molimo dhakono to ok chak duog kendo. Adier, ok ochak oduog e wang’yor ngima!

Ngeche 30:20

Kit dhako ma miganga chalo kama: Oterore, bang’e olwokore, eka owacho niya, “Onge gima rach masetimo.”

Ngeche 4:26

Rang maber yo ma onego iluw, eka gimoro amora mitimo biro bedo maber.

Ngeche 5:21

Ruoth Nyasaye neno gik moko duto mitimo, kendo orangi kamoro amora midhiye.

Ngeche 9:13

Fuwo chalo gi dhako ma jakoko momemore, kendo ma onge gi wichkuot.

2 Petro 2:14

Wengegi rango mon mana gi gombo maricho, kendo gombo ma gin-go mar dwaro timo richo ok rum. Giywayo joma yiegi yomyom, gitero e richo, bende chunygi ong’iyo gi gombo gik moko. Gin joma okuong!