Ngeche 5:3 - MUMA MALER 2015

³ Chi ng’ato nono nyalo wacho weche mamit ka mor kich, kendo dhoge nyalo bedo mayom ka mo,

Motingʼo Loko Manyien

³ Nimar dho jachode wacho weche mamit ka mor kich, kendo wuoyone yom maloyo moo;

Ngeche 5:3 ပူးပေါင်းရင်းမြစ်များ

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Ngeche 2:16

Rieko noresi kuom dhako ma jamganga, ma temo ywayi gi weche mamit.

Ngeche 22:14

Terruok en bur matut ma joma Ruoth Nyasaye okechogo nyumoree.

Ngeche 5:20

Wuoda, ere gima omiyo onego iher dhako moro nono? Koso ang’o momiyo chi ng’ato nono dilombi?

Ngeche 6:24

Ginyalo miyo ibed mabor gi mon maricho, kendo itang’ ni weche mamit mag mond jomoko nono.

Ngeche 7:21

Kamano dhakono ne oywayo wuowino gi wach mamit, mi odhi kode.

Ngeche 7:5

Ginimi itang’ ni mond jomoko nono. Adier, inibed mabor gi mon ma jomganga mawacho weche kisera.

Eklesiastes 7:26

Ne ayudo ka dhako kech moloyo tho. Herane nyalo maki mana ka obadho kata ka tol, kendo bade ma okwakigo tueyi mana ka nyororo! Ng’at mohero Nyasaye to nyalo tony mak omako. Jaricho to ok nyal yombe.

Wer Mamit 4:11

Dhogi mit ka mor kich, yaye jaherana. Adier, lewi chalona chak kata mor kich. Lepi dum tik mamit mana ka tik mamit mar god Lebanon.