Ngeche 5:22 - MUMA MALER 2015

²² Richo mag ng’ama timbene mono gin obadho momake matek.

Motingʼo Loko Manyien

²² Timbe mamono mag ngʼama jaricho obedone obadho mamake, tonde mag richone tweye matek.

Ngeche 5:22 ပူးပေါင်းရင်းမြစ်များ

1 Ruodhi 18:18

Elija nodwoke ni, “An ok asand jo-Israel, to in gi jodhoodu ema usandogi, nikech useweyo chik Ruoth Nyasaye, kuluwo nyiseche manono miluongo ni Baal.

Ayub 18:8

Osenyumore e gogo, mi tiendene omoko.

Zaburi 40:12

Masiche mathoth olwora, kendo ging’eny mokadho akwana! Richona osehinga, omiyo koro ok anyal neno. Ging’eny mohewo yie wiya kendo chunya oseol.

Zaburi 9:15

Ogendini ma ok ong’eyo Nyasaye osekunyo bur monyumoree. Ee, gisechiko obadho, mi gin giwegi ema gimokoe.

Zaburi 9:17

Piny joma otho ema joricho duto ochomo, kendo e kar jogo duto modagi Nyasaye.

Ngeche 1:18

Kamano e kaka joricho chiko obadho ni gin giwegi kendo gin ema gimokoe.

Ngeche 11:3

Tim makare ema telo ni joma beyo, to tim miganga tieko joma acheje.

Ngeche 11:5

Adier, tim makare miyo ng’ato dak maber. Ng’at ma timbene mono to tiekore mana kende owuon.

Ngeche 11:6

Tim makare reso ng’ama kare. Ng’at ma achach, to wuoche owuon ema rwako wino e ng’ute.

Ngeche 12:14

Pok ma ng’ato yudo romre gi weche mowacho kendo gi gik motimo.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Ngeche 18:7

Ka ng’at mofuwo wuoyo, to otiekore kende. Wechene owuon ema make.

Ngeche 24:12

Kik iwach ni mano ok tiji, nikech Nyasaye ma pimo chuny ji nopar gima itimono. Bed gi ratiro ni Nyasaye marangi ong’eyo gima itimo. Ochulo ng’ato ka ng’ato moromo gi timbene.

Ngeche 26:27

Ka ng’ato okunyo ni wadgi bur, to en ema onyumore e burno. Kata ka ong’ielo kidi mondo ohinygo wadgi, to en ema kidino ng’ielore kuome.

Eklesiastes 7:26

Ne ayudo ka dhako kech moloyo tho. Herane nyalo maki mana ka obadho kata ka tol, kendo bade ma okwakigo tueyi mana ka nyororo! Ng’at mohero Nyasaye to nyalo tony mak omako. Jaricho to ok nyal yombe.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Ywagruok 1:14

Osedhogo richona kuoma gi lwete owuon. Adier, ne oketo jok mare e ng’uta, mi pek mar jokno otieko tekra. Ruoth Nyasaye osejwang’a e lwet wasika, kendo ok anyal sirogi.

Obadia 1:15

“Chieng’ ma an Ruoth Nyasaye abiro ng’adoe bura ni ogendini chiegni. Yaye, jo-Edom! Gik ma usetimo ema notimnu, kendo timbeu maricho nodong’ mana e wiu uwegi.

Kwan 32:23

To ng’euru ni ka ok utimo kamano, to unubed joketho e nyim Ruoth Nyasaye, kendo richou nokelnu kum.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.

Jong’ad Bura 20:41

Omiyo jo-Israel nolokore gi jo-Benjamin, mi luoro maduong’ nomako jo-Benjamin, ka gifwenyo ni kara oselogi.

Jong’ad Bura 9:57

To bende Nyasaye nochulo kuor ni jo-Shekem kuom richogi, mana kaka Jotham wuod Jerubaal nonyisogi chieng’ mane okuong’ogi.