Ngeche 4:7 - MUMA MALER 2015

⁷ Gima berie moloyo minyalo timo en yudo rieko. Kata ka mwanduni duto orumo, to winjo tiend wach ema onego ibedgo.

Motingʼo Loko Manyien

⁷ Rieko nigi duongʼ moloyo, omiyo yud rieko. Kata obedo ni mwanduni duto nyalo rumo, to bed gi winjo tiend wach.

Ngeche 4:7 ပူးပေါင်းရင်းမြစ်များ

2 Weche mag Ndalo 1:10

Yie imiya rieko mondo ang’e kaka datel ni ogandani, nimar ere ng’ama dinyal rito jogi mang’enygi?”

Zaburi 119:104

Chikeni ema miya rieko, omiyo achayo timbe duto maricho.

Ngeche 16:16

Mano kaka yudo rieko gi ng’eyo, ber, moloyo yudo fedha gi dhahabu.

Ngeche 2:4

Dware matek, mana ka gima idwaro fedha, kata ka gima idwaro mwandu moro mopandi.

Ngeche 21:6

Mwandu moyudi e yor miganga lal piyopiyo nono, to bende gitero ji e tho.

Ngeche 23:23

Adiera gi rieko gi puonjruok kod paro maber ema nyaka iyudi, kata dabed ni ing’iewogi gi nengo matek. Kik iwe ng’ato kawgi kata dabed ni omiyi ang’o.

Ngeche 4:5

Bed gi rieko kod paro matut, kendo kik icha gima anyisi.

Ngeche 8:23

Adier, ne okwongo chueya chon ahinya, kapok piny ochakore.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Eklesiastes 7:12

Emomiyo ber bedo gi rieko moloyo bedo gi mwandu, nimar rieko kelo ngima ni jogo man kode.

Luka 10:42

to gimoro achiel kende ema dwarore, kendo Maria ema oseyiero gino. En gima ber moloyo, kendo onge ng’ama nomaye.”

Luka 12:20

To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

Jo-Filipi 3:8

To moloyo mano, akwano gik moko duto ka gik manono, nimar gueth maduong’ mar ng’eyo Kristo Ruodha Yesu ohewo gimoro amora. Adier, ne aweyo gik moko duto olalna nikech en. Akwanogi duto mana ka yugi miwito oko, mondo ayud Kristo kaka pokna,