Ngeche 4:4 - MUMA MALER 2015

⁴ to wuora ne puonja kanyisa niya, “Par gik ma anyisi, kendo kik wiyi wil kodgi. Bende tim kaka anyisi, eka inibed mangima.

Motingʼo Loko Manyien

⁴ nopuonja kowacho niya, “Mak matek wechena gi chunyi duto, rit chikena eka inibed mangima.

Ngeche 4:4 ပူးပေါင်းရင်းမြစ်များ

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Zaburi 119:11

Akano wachni e chunya, mondo kik akethi e nyimi.

Zaburi 119:144

Chikeni ni kare nyaka chieng’, omiyo miya ang’egi mondo abed mangima.

Zaburi 119:168

Amako chikeni kod buche ming’ado, nikech ineno gik moko duto.

Ngeche 22:6

Ka ipuonjo nyathi timbe mabeyo ka pod otin, to wiye ok nowil gi timgo e ngimane duto.

Ngeche 23:26

Wuoda, chik iti maber mondo ngimana obedni ranyisi.

Ngeche 3:1

Wuoda, wiyi kik wil gi weche ma apuonji, to pile par gik ma anyisi mondo itim,

Ngeche 3:2

nimar puonjna biro miyo idhi nyime maber, kendo idag aming’a.

Ngeche 7:2

Tim kaka anyisi, eka inibed mangima. Rit chikena, mana kaka dirit tong wang’i.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Jeremia 38:20

Eka Jeremia nowachone niya, “Ok nochiwi e lwetgi, omiyo akwayi ni mondo iwinj wach Ruoth Nyasaye kaka asenyisi, mi inine maber kendo ok nonegi.

Johana 12:50

Ang’eyo ni chikne ema kelo ngima ma nyaka chieng’. Awacho mana gik ma Wuora onyiso mondo awachi.”

Jo-Efeso 6:4

Un wuone, kik utim ni nyithindu gik ma dimi mirima makgi, to pidhgiuru kuchikogi kendo upuonjogi e yor Kristo.

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 6:6

Chike ma amiyou kawuonogi, kanuru e chunyu,

2 Timotheo 1:5

nikech aparo yie maradier ma in-go. Yienino chalo gi yie mane Lois dani nigo mokwongo, kendo mane Yunike meru bende ni-go.

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

Jong’ad Bura 13:12

Eka Manoa nowachone niya, “Nyathino nobed nyathi machal nadi, ka weche miwachogo otimore? Wanarite nadi, kendo notim ang’o?”