Ngeche 4:24 - MUMA MALER 2015

²⁴ Kik iwach gimoro ma ok adiera, bende bed mabor gi miriambo kod weche mag miganga.

Motingʼo Loko Manyien

²⁴ Wach ma ok adiera kik aa e dhogi; weche mag miganga kik wuogi e dhogi.

Ngeche 4:24 ပူးပေါင်းရင်းမြစ်များ

Ayub 11:14

Gol richo kuomi, kendo riemb timbe ma ok ni kare oa dalani.

Zaburi 34:14

Weuru timo richo, to timuru mana gik mabeyo. Dwaruru kue e kinde duto, mi uluw.

Ngeche 10:32

Ng’at makare ong’eyo gima onego owachi e sa mowinjore. Joricho to pile wacho gik machwanyo ji.

Ngeche 17:20

Ng’at ma paro mana richo, donjo e chandruok, kendo ng’at ma wacho miriambo yudo mana masira.

Ngeche 19:1

Ber bedo jachan ma timne kare, moloyo bedo jamoko ma wechene obam.

Ngeche 4:25

Rang mana nyimi tir, ka idimbori kendo ka in gi chir, kendo kik ikul wiyi ka gima wichkuot omaki.

Ngeche 6:12

Ji manono ma joricho wuotho awuotha kawacho miriambo.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Ngeche 8:8

Chutho, gik moko duto ma awacho long’o, kendo onge miriambo kata miganga moro.

Ezekiel 18:31

Adier, weuru richo duto ma usebedo ka utimo mondo ubed gi chuny manyien kod paro malong’o. Ere gima omiyo udwaro tho, un jo-Israel?

Jo-Kolosai 3:8

To koro kaka jo-Kristo, nyaka uwe timbego duto, kaka: ichwang’, gi mirima, gi himruok, gi ayany, kod weche mochido.

1 Timotheo 6:5

kod dondruok maonge giko. Joma timo gik ma kamago gin joma parogi okethore, kendo ma adiera oselalnigi. Giparo ni lamo Nyasaye nyalo kelonigi ohala!

Jakobo 1:21

Emomiyo wituru gik mochido, gi timbe maricho mogundho. Bolreuru e nyim Nyasaye, kendo yieuru wach mane opidhi e chunyu, nikech en gi teko mar warou.

Jakobo 1:26

Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

1 Petro 2:1

Kuom mano, weuru richo duto, kaka ich lit, gi wuond, gi gango wach gi nyiego kod ayany.