Ngeche 4:19 - MUMA MALER 2015

¹⁹ Yor joricho to olil mana ka muth otieno.

Motingʼo Loko Manyien

¹⁹ To yor joricho chalo gi mudho mandiwa; ok gingʼeyo gima miyo gichwanyore.

Ngeche 4:19 ပူးပေါင်းရင်းမြစ်များ

Ayub 12:25

ka gimulo e mudho mandiwa, kendo ka gitagore ka joma omer.

Ayub 18:18

Ibiro riembe e piny ma ji odakieni, mi oa e ler, odhi e mudho.

Ayub 5:14

Piny othonigi mudho, kata mana godiechieng’ tir, kendo gimulo amula ka joma wuotho gotieno.

Zaburi 82:5

Mano kaka umemoru, kendo mano kaka ufuwo! Uwuotho mana e mudho, kendo adiera manie piny oselal.

Ngeche 2:13

Gin joma oseweyo yo makare, to luwo mana yor mudho.

Ngeche 22:5

Obadho kod bugni nie yo ma jaricho luwo, omiyo ka ihero ngimani to bed mabor gi yorno.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 23:12

Yore ma giluwo biro bedo mapothpoth kendo motimo mudho. Abiro miyo gichwanyre kendo gipodhi, nikech abiro kelo masira kuomgi chieng’ makumogie. An Ruoth Nyasaye ema awacho kamano.

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Mathayo 7:23

Eka anawachnigi niya, ‘Ne ok ang’eyou ngang’! Ayeuru kuoma un jorichogi!’

Johana 11:10

To ka owuotho gotieno, to ochwanyore nikech ler ongene.”

Johana 12:35

To Yesu nodwokogi ni, “Pod odong’ kinde matin ma abiro betgo e kindu, ka amiyou ler. Wuothuru kapod un gi ler, mondo mudho kik juku. Ng’at mawuotho e mudho kia kuma dhiye.

1 Johana 2:11

To ng’at mamon gi wadgi nie mudho, kendo wuotho e mudho. Ok ong’eyo kuma odhiye, nikech mudho oimo wang’e.

1 Samuel 2:9

Orito tiend joge ni kik chwanyre, to joricho lal e mudho, nikech teko ng’ato owuon ok nyal miye loch.