Ngeche 4:18 - MUMA MALER 2015

¹⁸ Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Motingʼo Loko Manyien

¹⁸ Yor joma kare chalo ka ugwe mar kogwen, omedo rieny maler nyaka chiengʼ wuogi.

Ngeche 4:18 ပူးပေါင်းရင်းမြစ်များ

2 Samuel 23:4

To lochne chalo gi ler mar wang’chieng’, mopilore gokinyi ka boche polo onge, kendo mamiyo lum loth bang’ koth.’

Ayub 11:17

Ngimani nobed maler moloyo odiechieng’ tir gi ler, kendo mudho manie ngimani norieny mana ka ler mar okinyi.

Ayub 17:9

Bende ji maparo ni gin joma ogen medo neno ni adier gin ema gin kare.

Ayub 23:10

To kata kamano, ong’eyo gimoro amora ma atimo, kendo ka oranga, to obiro yudo ka aler.

Zaburi 84:7

Teko medore ni jogo ameda, ka gidhi nyime gi wuodhgi. Gibiro neno Nyasach nyiseche e got Sayun!

Zaburi 97:11

Ler rieny kuom joma kare, kendo mor mana ni kuom joma beyo.

Ngeche 13:9

Joma kare chalo ler mang’angni. Joricho chalo ler madwaro tho.

Ngeche 15:24

Ng’at mariek idho yo matere e ngima, to ok oluw yo maridore kochomo tho.

Ngeche 2:20

Kuom mano, nyaka iluw yo ma ng’at maber luwo.

Ngeche 2:9

Ka iwinjo wachna, to ining’e gima ber makare kendo mowinjore. Pile inibed king’eyo gima onego itim.

Isaya 26:7

Yor ng’at makare oriere tir, nikech in ema iloso ni joma long’o yo ma onego giluw.

Daniel 12:3

To joma riek norieny ka ler mar polo, kendo jogo mane opuonjo ji mang’eny mondo otim gik makare norieny ka sulue nyaka chieng’.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Mathayo 5:14

“Bende un e ler mar piny. Dala moger ewi got ok nyal geng’ore.

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Johana 8:12

Yesu nomedo puonjo ji, kowacho ni, “An e ler mar piny. Ng’at moluwa ok nowuoth e mudho, to nobed gi ler mar ngima.”

2 Jo-Korintho 3:18

Wan duto, ma waonge rageng’ e wang’wa, to wachalo gi rang’i, kendo wamiyo ler mar Ruoth nenore, kendo lerno medore ameda pile, ka kitwa medo lokore machal kode. Mano en tich Ruoth ma en Roho.

Jo-Filipi 2:15

Nyaka ubed nyithind Nyasaye maler kendo maonge wach, kubedo maonge ketho e kind tieng’ mobam kendo ma jarichoni, mondo urieny e kindgi ka sulue marieny e polo,

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.

Jong’ad Bura 5:31

“A Ruoth Nyasaye, wasiki duto mondo olal nono kamano, to ji duto moheri mondo orieny ka wang’chieng’ ma wuok gi tekone duto.” Bang’e piny Israel nobedo gi kue kuom higni piero ang’wen.