Ngeche 30:8 - MUMA MALER 2015

⁸ Mokwongo akwayi ni mondo weche mag miriambo gi mag miganga obed mabor koda. Mar ariyo akwayo ni kik iwe abed jamoko, kata kik iwe abed jachan, to chiemo moroma kende ema imiya,

Motingʼo Loko Manyien

⁸ Mi wuond gi miriambo obed mabor koda; kik imiya chan kata mwandu, to miya mana chiemba mapile.

Ngeche 30:8 ပူးပေါင်းရင်းမြစ်များ

Chakruok 28:20

Eka Jakobo nokuong’ore ka wacho ni Ruoth Nyasaye niya, “A Ruoth Nyasaye, ka inibed koda, kendo ka initelna e wuodha, kimiya chiemo gi lewni,

2 Ruodhi 25:30

Odiechieng’ kodiechieng’ kuom higni duto mane ongima, ne imiye gik moko morome konyorego.

Ayub 23:12

Pile atimo mana gima Nyasaye ochiko. Adier, aluwo mana dwarone, to ok gik ma an ema adwaro.

Zaburi 119:29

Konya kik aluw yore mag miriambo, kendo ng’wonna mondo amak chikni.

Zaburi 119:37

Rita mondo kik adew gik manono, to bedna mang’won kaka ne isingori.

Wuok 16:15

Jo-Israel nonenogo, to ne ok ging’eyo ni en ang’o, omiyo ne gipenjore kendgi giwegi ni, “Mano to ang’o?” Musa nodwokogi niya, “Mano e kuon ma Ruoth Nyasaye osemiyou mondo ucham.

Wuok 16:18

To kane gipimogi e ondweto, ne giyudo ni joma nochoko mang’eny ne ok nigi mathoth mohingogi, bende joma nochoko manok ne ok nigi matin moremogi to ng’ato ka ng’ato nosechoko mana morome.

Wuok 16:29

Ng’euru ni an Ruoth Nyasaye ema aseketonu chieng’ Sabato. Kuom mano, chieng’ mar auchiel amiyou chiemo moromo ndalo ariyo. To chieng’ mar abiriyo, ng’ato ka ng’ato nyaka bed mana kama entie, kendo kik owuog e dalane.”

Wuok 16:35

Jo-Israel nochamo manna kuom higni piero ang’wen, nyaka ne gichopo e piny mane ginyalo dakie. Ne gichamo mannano kamano nyaka ne gichopo e mbap piny Kanaan. (

Ngeche 13:5

Ng’at makare mon gi miriambo. Jaricho to wechene kuodo wich, kendo ojogo ji.

Ngeche 21:6

Mwandu moyudi e yor miganga lal piyopiyo nono, to bende gitero ji e tho.

Ngeche 22:8

Ng’at matimo timbe mamono nyaka yud masira, kendo e giko ibiro kume mager.

Ngeche 23:5

to bed mariek nimar pesani nyalo lal ka diemo wang’, mana ka gima en gi buombene ma ohuyogo ka ongo.

Ngeche 30:7

A Nyasaye, akwayi gik moko ariyo kende. Yie ayudgi kapok atho.

Eklesiastes 1:2

Owacho niya, “Ngima en gima nono. Gik moko duto onge tich. Gin gik manono giduto, kendo onge gima nigi tiende kata achiel!

Isaya 5:18

Yaye, unune malit, un joma ywayo chandruok irgi ka joma ywayo rombo kata gari gi tol.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Jeremia 37:21

Omiyo ruoth Zedekia nogolo chik mondo otue Jeremia e laru mar od jorit. Ne imiye makati achiel odiechieng’ kodiechieng’ mogol kuom jolos makati, nyaka makati duto norumo Jerusalem. Kamano Jeremia nosiko asika kotue e laruno.

Jeremia 52:34

Odiechieng’ kodiechieng’ kuom higni duto mane ongima, ne imiye gik moko morome konyorego.

Mathayo 6:11

Miwa chiemo moromowa kawuono,

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Luka 11:3

Pilepile miwa chiemo moromowa,

Johana 2:8

Eka nowachonigi ni, “Koro twomuru pi moko, uter ni jaduong’ kisera.” Ne gitimo kamano,

Tich Joote 14:15

ka gikok ni, “Yawa, ang’o momiyo utimo kamano? Wan mana ji ka un, to gima watimo en mana landonu Wach Maber, mondo uwe timbe manonogi, ulokru ir Nyasaye Mangima, ma ochueyo polo gi piny kod nam, kaachiel gi gik moko duto manie i gi.