Ngeche 30:5 - MUMA MALER 2015

⁵ “Nyasaye rito singruok duto motimo. En okumba ni jogo duto madwaro ni mondo okony.

Motingʼo Loko Manyien

⁵ “Wach ka wach moa kuom Nyasaye en adier; Nyasaye en okumba ne jogo mopondo kuome.

Ngeche 30:5 ပူးပေါင်းရင်းမြစ်များ

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

2 Samuel 22:31

Yor Nyasaye en yo malong’o. Osenon wach Ruoth Nyasaye, moyud ni en adier. Ruoth Nyasaye e okumba mar joma ogeno kuome.

Zaburi 119:140

Singruok mari osetem, mi onwang’ ni en kare, miyo ahere, an jatichni.

Zaburi 12:6

Weche Nyasaye gin weche migeno, nikech giliw ka fedha moleny e mach dibiriyo.

Zaburi 144:2

En e kar konyruokna, kendo e ohingana. Bende en e jawarna kendo kara ma apondoe. En okumbana, kendo en ema ageno kuome. Oketo ogendini e bwo lochna.

Zaburi 18:2

Nyasacha, in e jaresna, kendo lwandana ma ageng’orae. In e okumbana, gi teko mar resruokna, kendo in e ohingana.

Zaburi 18:30

Yor Nyasaye en yo malong’o. Osenon wach Ruoth Nyasaye, moyud ni en adier. Ruoth Nyasaye e okumba mar joma ogeno kuome.

Zaburi 18:31

Ere nyasaye moro mak mana Ruoth Nyasachwa? Koso ere lwanda moro mak mana Nyasachwa?

Zaburi 19:8

Chike mag Ruoth Nyasaye ni kare kendo miyo chuny mor. Adier, chike Nyasaye beyo kendo yawo wang’.

Zaburi 3:3

To in Nyasaye, in e okumba mogeng’ona chandruok. Imiyo abedo jaloyo, kendo iduogo tekra.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Zaburi 91:2

nyalo wacho ni Nyasaye niya, “In e kar konyruokna kendo ohingana, In e Nyasacha ma ageno kuome.”

Ngeche 2:7

Okonyo joma kare ma jo-adiera, kendo oritogi.

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Jo-Rumi 7:12

Kuom mano, Chik Musa en gima ler, kendo chike moting’o bende ler, kendo kare, kendo beyo.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.