Ngeche 3:6 - MUMA MALER 2015

⁶ Par Ruoth Nyasaye e gik moko duto mitimo, eka obiro nyisi yo makare monego iluw.

Motingʼo Loko Manyien

⁶ ket yoreni duto kuome eka nomi yoregi oriere tir.

Ngeche 3:6 ပူးပေါင်းရင်းမြစ်များ

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Ezra 7:27

Ezra nowacho niya, “Apako Ruoth Nyasaye ma Nyasach kwerewa, moseketo wach makama e chuny ruoth mondo omed ber mar Od Ruoth Nyasaye man Jerusalem,

Nehemia 1:11

Yie ichik iti mondo iwinj kwayona kod kwayo jotichni mohero luoro nyingi, kendo yie iguedha kawuononi, mondo imi jal matiyone ogena.” E kindeno ne an jagam divai mar ruoth Artaxerxes.

Nehemia 2:4

Ruoth nopenja ni, “Koro idwa ni atimni ang’o?” Nalamo Nyasach polo,

Nehemia 7:5

Nyasaye nojiwo chunya mondo achok joka ruoth kod jotelo gi ji duto, mondo ondik nyinggi kaluwore gi dhoutgi. Bende nayudo kitabu mondikie nying joma nokuongo duogo, kaachiel gi anyuolagi.

Zaburi 32:8

Ruoth Nyasaye wacho niya, “Abiro nyisi yo ma onego iluw. Adier, abiro puonji kendo abiro ng’adoni rieko.

Ngeche 11:5

Adier, tim makare miyo ng’ato dak maber. Ng’at ma timbene mono to tiekore mana kende owuon.

Ngeche 16:3

Ket gik moko duto mitimo e lwet Ruoth Nyasaye, eka itimgi maber.

Ngeche 16:9

Dhano loso chenone owuon, to Ruoth Nyasaye ema telone eka otimgi.

Ngeche 23:17

Kik nyiego maki gi gik ma joricho nigo, to luor mana Ruoth Nyasaye ndalo duto.

Isaya 26:7

Yor ng’at makare oriere tir, nikech in ema iloso ni joma long’o yo ma onego giluw.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 45:13

An ema aseting’o Kuros malo mondo okel resruok, kendo abiro rieyo yorene tir. Enochak oger dalana, kendo nogony joga mane oter e tuech, mi bed thuolo, to ok nikech ichule gimoro, kata nikech imiye asoya.”

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Jeremia 10:23

A Ruoth Nyasaye, ang’eyo ni ngima ng’ato ok nie tekone owuon, bende onge ng’ama nyalo yiero yore owuon.

Jeremia 42:3

Lemnwa mondo Ruoth Nyasachi onyiswa yo ma onego waluw, kendo gima onego watim.”

Kwan 9:20

Kamano bende kane bor polo obet ewi Hema Maler mana kuom ndalo manok, to ne giguro hembegi kendo gimukogi mana kaka Ruoth Nyasaye ochikogi.

1 Jo-Korintho 10:31

To adwoko penjono ni, ka uchiemo kata umetho kata utimo gimoro amora, to timuru kamano mana ni mondo omi Nyasaye duong’.

2 Jo-Korintho 8:16

Wagoyo ni Nyasaye erokamano kuom miyo chuny Tito kinda mar konyou kaka wan!

Jo-Filipi 4:6

omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano.

Jo-Kolosai 3:17

Gimoro amora ma uwacho kata utimo onego obedi e nying Ruoth Yesu, kugoyoni Nyasaye Wuoro erokamano e nyinge.

Jo-Kolosai 3:23

Gimoro amora mutimo, to timuru gi chunyu duto, mana ka gima utiyo ni Ruoth, to ok ni dhano,

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

1 Samuel 30:8

Daudi nopenjo Ruoth Nyasaye wach niya, “Anyalo lawo joma nomonjowago, koso? Bende dajukgi?” Mi nodwoke ni, “Lawgi, nikech adier ibiro jukogi, kendo ibiro reso jogi duto.”