Ngeche 3:5 - MUMA MALER 2015

⁵ Gen kuom Ruoth Nyasaye gi chunyi duto, to kik igen kuom riekoni iwuon.

Motingʼo Loko Manyien

⁵ Gen kuom Jehova Nyasaye gi chunyi duto, kendo kik igen kuom ngʼeyoni iwuon;

Ngeche 3:5 ပူးပေါင်းရင်းမြစ်များ

Ezra 8:23

Kuom mano, ne wariyo kech, kendo wakwayo Nyasachwa mondo wawuoth maber, mi nowinjo kwayowa.

Ayub 13:15

Kata bed ni Nyasaye biro nega, to onge wach! Pod abiro mana wacho wachna e nyime.

Zaburi 125:1

Joma ogeno kuom Ruoth Nyasaye, chalo gi got Sayun, mogurore motegno, kendo ma ok nyal ng’ingni.

Zaburi 37:3

Gen kuom Ruoth Nyasaye mondo itim maber, eka idag e piny gi kue.

Zaburi 37:5

Chiwrine, kendo gen kuome, to obiro konyi.

Zaburi 37:7

Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho.

Zaburi 62:8

Un jowa, genuru kuom Nyasaye kinde duto. Nyiseuru chandruok duto ma ungo, nimar en e kar konyruokwa.

Ngeche 22:19

Adwaro ni mondo iket genoni kuom Ruoth Nyasaye. Mano emomiyo apuonji wechegi mondo okonyi in iwuon.

Ngeche 23:4

Kik iwe tich bari ndasi ni eka iyud mwandu mang’eny,

Ngeche 28:26

Ng’at mogeno kuom riekone owuon en ng’at mofuwo, to ng’at ma luwo puonj joma riek dhi nyime maber.

Ngeche 3:7

Kik iwe chunyi wuondi ni iriek, to luor aluora Ruoth Nyasaye, kendo bed mabor gi richo

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Jeremia 10:23

A Ruoth Nyasaye, ang’eyo ni ngima ng’ato ok nie tekone owuon, bende onge ng’ama nyalo yiero yore owuon.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Kwan 9:20

Kamano bende kane bor polo obet ewi Hema Maler mana kuom ndalo manok, to ne giguro hembegi kendo gimukogi mana kaka Ruoth Nyasaye ochikogi.

Kwan 9:22

Kata bed ni ne obet ewi Hema Maler kuom ndalo achiel kata ndalo ariyo, kata kuom due kata higa, kata bed ni obudho marom nadi, to jo-Israel ne bet mana e kambi to ne gichako wuoth mana ka oa ewi Hema Maler.

Jo-Rumi 12:16

Beduru joma winjore, kendo kik ubed joma sungore, to beduru e achiel gi ji duto. Kik ukawru ni uriek.

Jo-Efeso 1:12

Notimo kamano mondo wan jo-Yahudi mane wakuongonu geno kuom Kristo, un joma ok jo-Yahudi, wami ji opak duong’ne maler.