Ngeche 3:34 - MUMA MALER 2015

³⁴ Wi Ruoth Nyasaye tek ni joma wigi tek, to okecho jogo ma obolore.

Motingʼo Loko Manyien

³⁴ Ojaro jojaro masungore to ochiwo ngʼwono ni joma obolore.

Ngeche 3:34 ပူးပေါင်းရင်းမြစ်များ

Zaburi 138:6

Kata obedo ni in malo chutho, A Ruoth Nyasaye, to pod ikecho joma ni e piny. Josunga bende ok nyal pondoni!

Zaburi 18:26

Iler ni joma ler, to wiyi tek ni joma wigi tek.

Ngeche 1:26

Omiyo ka uyudo chandruok, to ananyieru anyiera.

Ngeche 14:9

Joma ofuwo ok dew kata ka gitimo richo. Joma beyo to dwaro ni mondo ong’wonnigi.

Ngeche 16:19

Ber bedo gi jochan kibolori, moloyo bedo gi josunga, kipogo kodgi gik moyaki.

Ngeche 19:29

Josunga gi joma ofuwo duto biro yudo kum.

Ngeche 21:24

Jasunga e nying mowinjore gi ng’ama kawore ma wang’e tek, kendo ma ok dew ji.

Ngeche 9:12

Adier, ka in gi rieko, to in ema iyudo ohala, to ka idage, to in ema ihinyori.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”