Ngeche 3:32 - MUMA MALER 2015

³² nimar Ruoth Nyasaye mon gi joricho, to ogeno joma kare.

Motingʼo Loko Manyien

³² Nimar Jehova Nyasaye ger gi jaricho to ogeno joma kare.

Ngeche 3:32 ပူးပေါင်းရင်းမြစ်များ

Ayub 29:4

E ndalogo ne adhi maber nikech Nyasaye norito dalana gi herane.

Zaburi 18:26

Iler ni joma ler, to wiyi tek ni joma wigi tek.

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Ngeche 11:20

Ruoth Nyasaye mon gi joma timbegi obam, to ohero joma timo timbe makare.

Ngeche 14:10

Chuny ng’ato ema ong’eyo gima litne, kata mor ma en go. Ng’at machielo to ok nyal ng’eyo.

Ngeche 17:15

Kumo ng’at maonge ketho, kata weyo jaricho aweya, gin gik ma Ruoth Nyasaye mon-go.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 41:24

To en adier ni ok unyal gimoro, kendo gik mutimo onge tich. Bende ng’ato ang’ata ma kwanou ka nyisechene en raura ka un!”

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Luka 16:15

To Yesu nowachonigi niya, “Un e joma wuorore e nyim ji ni joma kare, to Nyasaye ong’eyo chunyu. Ng’euru ni Nyasaye ochayo gik moko ma dhano kwano ka gik madongo.

Johana 15:15

Chakre kawuono ok nachak aluongu kendo ni wasumbini, nikech misumba ok ong’eyo gima ruodhe timo. To aluongou ni osiepena, asenyisou gik moko duto ma Wuora osenyisa.

Johana 7:17

Ng’at moyie timo gima Nyasaye dwaro, to biro ng’eyo kata ka weche ma apuonjo oa ka Nyasaye, kata ka apuonjo mana wechena awuon.

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.