Ngeche 3:3 - MUMA MALER 2015

³ Kik iwe luoro kod adiera lalni, to tuegi e ng’uti, kendo ndikgi e chunyi.

Motingʼo Loko Manyien

³ Kik iwe hera kod adiera weyi; twegi e ngʼuti, kendo ndikgi e chunyi maiye.

Ngeche 3:3 ပူးပေါင်းရင်းမြစ်များ

2 Samuel 15:20

Yandi eka ibiro, ere kaka dwawuoth kodi kamoro amora, to an akia kuma adhiye? Emomiyo dogi, kaachiel gi jowadu. Ruoth Nyasaye mondo oguedhi, kendo onyisi herane mosiko.”

Zaburi 119:11

Akano wachni e chunya, mondo kik akethi e nyimi.

Zaburi 25:10

Ji duto ma orito chikene gi singruokne biro neno ni otelonigi gi hera kod adiera.

Zaburi 85:10

Hera gi adiera biro riwore kanyakla. Tim makare kod kue bende biro bedo kaachiel.

Wuok 13:9

Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Ngeche 1:9

nimar puonjgi biro loso kiti maber, mana kaka kondo kata thiwni miyo ng’ato nenore maber.

Ngeche 14:22

Ka ichano timo marach to ibiro lal nono, to ka ichano timo maber to ji nogeni kendo nomiyi luor.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 20:28

Ruoth mang’won ma timne kare kendo ma jaadiera ema siko korito pinye.

Ngeche 6:21

Pile kan wechegi e chunyi maiye,

Ngeche 7:3

Rwakgi ka tere e lith lweti, kendo ndikgi e chunyi mondo ipargi pile.

Jeremia 17:1

Ruoth Nyasaye wacho niya, “Un jo-Juda, richou ondik gi kalamb chuma, kendo ogorgi gi gima bith e chunyu, kendo e tunge kendeu mag liswa.

Hosea 4:1

Ruoth Nyasaye ni kod wach ni ji modak e pinyni. Omiyo un jo-Israel chikuru itu mondo uwinj ane gima owacho. Owacho kama: “Dimbruok kod hera onge e pinyni, kendo ji ok oyie kata mana kuom Nyasaye.

Malaki 2:6

Ne gipuonjo ji mana weche makare, maonge kata wach achiel mar miganga. Ne gitimo gik makare ma adwaro, kendo ne gikonyo ji mang’eny mondo owe timbe maricho.

Mathayo 23:23

Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.

2 Jo-Korintho 3:3

Nenore ratiro ni un e barua moa kuom Kristo, mane wakelo. Ok en barua mondik gi wino, to ondiki gi Roho mar Nyasaye Mangima. Bende ok ondike e kite mopa, to ondike e chuny dhano.

Jo-Efeso 5:9

nimar ler ema kelo ber gi timbe makare kod adiera duto.

Rapar mar Chik 6:8

Tuegiuru ka ranyisi e lwetu, kendo mien-giuru e lend wang’u ka kido,

Jo-Hibrania 10:16

“Singruok ma anatim kodgi bang’ ndalogo e ma: Anaket chikena e chunygi, kendo anandikgi e parogi. An Ruoth Nyasaye ema awacho kamano.”