Ngeche 3:19 - MUMA MALER 2015

¹⁹ Ruoth Nyasaye nochueyo piny gi riekone, kendo ne oketo polo kare kuom ng’eyo ma en go.

Motingʼo Loko Manyien

¹⁹ Kuom rieko Jehova Nyasaye nochweyo mise mar piny kendo noketo polo kama entie kuom lony mare;

Ngeche 3:19 ပူးပေါင်းရင်းမြစ်များ

Ayub 38:4

Ne intie ka achweyo piny koso? Nyisa ane, ka en adier ni in ng’ama riek mong’eyo gik moko duto kamano.

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Zaburi 136:5

Ne ochueyo polo gi riekone. Herane mosiko ochwere.

Ngeche 8:22

An rieko, ema ne Ruoth Nyasaye okuongo chueya, kapok oloso gimoro amora mane ochueyo chon.

Jeremia 10:12

Ruoth Nyasaye nochueyo piny gi tekone, mogure motegno kendo noyaro polo gi riekone.

Jeremia 51:15

Ruoth Nyasaye nochueyo piny gi tekone, mogure motegno, kendo noyaro polo gi riekone.

Johana 1:3

kendo en ema nomiyo ochue gik moko duto. Onge gimoro kata achiel mane ochue maonge en.