Ngeche 3:18 - MUMA MALER 2015

¹⁸ En ludh ngima ni jogo duto man kode, kendo joma opadore kuome gin johawi.

Motingʼo Loko Manyien

¹⁸ En yadh ngima ne jogo morwake; jogo mopadore kuome biro yudo gweth.

Ngeche 3:18 ပူးပေါင်းရင်းမြစ်များ

Chakruok 2:9

Nomiyo yien mopogore opogore odongo e puodhono, ma moko lombo wang’, kendo moko nyago olemo michamo. To yath manyago olemb ngima, kod mago manyago olemo ma nyiso ber gi rach, noketo e dier puodho.

Chakruok 3:22

Eka Ruoth Nyasaye nowacho niya, “Koro dhano osedoko machal kodwa, nikech oseng’eyo ber gi rach. Kik yiene mondo ocham olemb yadh ngima, nimar dipo kobet mangima nyaka chieng’.”

Ngeche 11:30

Tim makare kelo ngima maber. Timbe mahundu to kelo mana tho!

Ngeche 13:12

Ka gima igeno ok otimore, to chunyi ol, to ka gima igeno otimore, to chunyi duogo.

Ngeche 15:4

Weche mang’won kelo ngima. Weche maricho to nyoso chuny.

Ngeche 4:13

Pile par gima isepuonjori, kendo rite maber nikech en e ngimani.

Ngeche 8:32

Koro un yawuota, winjuru gima awacho, nikech joma timo kaka anyisogi gin johawi.

Ngeche 8:34

Ng’at ma owinjo wachna, kendo ma osiko e dhoranga dalana, ka oketo wang’e e dhooda, en jahawi,

Eklesiastes 7:12

Emomiyo ber bedo gi rieko moloyo bedo gi mwandu, nimar rieko kelo ngima ni jogo man kode.

Fweny 2:7

“ ‘Ng’at man gi it mondo owinj gima Roho wacho ni kanyakla mag jo-Kristo. Ng’at molocho to anami ratiro mar chamo olemb yadh ngima manie puoth Nyasaye.’

Fweny 22:2

Ne omol e dier yor dalano, to e bath aora koni gi koni, ne nitie yath mar ngima manyago olembe kido apar gariyo. To olembego chiek due ka due, kendo pot yadhno ema ithiedhogo ogendini.