Ngeche 3:17 - MUMA MALER 2015

¹⁷ Omiyo idak e ngima maber, kendo oteloni mana e yo makare.

Motingʼo Loko Manyien

¹⁷ Yorene gin yore mag mor kendo yorene duto gin mag kwe.

Ngeche 3:17 ပူးပေါင်းရင်းမြစ်များ

Zaburi 112:1

Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

Zaburi 119:103

Mano kaka chikeni mit. Adier, gimit moloyo mor kich!

Zaburi 119:14

Chikeni miya mor, moloyo mor ma mwandu mang’eny miya.

Zaburi 119:165

joma ohero chikeni nigi kue mar adier, kendo onge gima nyalo miyo gipodhi.

Zaburi 119:174

Mano kaka adwaro resruok moa kuomi! Chikeni ema miya mor, A Ruoth Nyasaye.

Zaburi 119:47

Ayudo mor kuom rito chikeni, nikech aherogi.

Zaburi 25:10

Ji duto ma orito chikene gi singruokne biro neno ni otelonigi gi hera kod adiera.

Zaburi 37:11

To joma muol ema nobed weg piny, kendo giniyud mor maduong’ ka gidak gi kue.

Ngeche 16:7

Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Ngeche 2:10

Inibed gi rieko, kendo ng’eyo ma in go nokelni mor.

Ngeche 22:18

nikech kikanogi e chunyi, kendo kinyalo hulogi gi wiyi, to inibed mamor.

Isaya 26:3

Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Isaya 57:19

An Ruoth Nyasaye awacho niya, “Kue mondo obedie ni joma ni mabor, kendo ni joma ni machiegni, nikech abiro changogi.

Luka 1:79

mondo orieny kuom joma odak e mudho, kendo e tipo mar tho, kendo mondo otawa e yo mokue.”

Jo-Rumi 5:1

Kaka osemi wabet e winjruok gi Nyasaye nikech wayie, koro wan gi kue kod Nyasaye kuom Yesu Kristo Ruodhwa.