Ngeche 3:1 - MUMA MALER 2015

¹ Wuoda, wiyi kik wil gi weche ma apuonji, to pile par gik ma anyisi mondo itim,

Motingʼo Loko Manyien

¹ Wuoda, kik wiyi wil kod puonjna to ket chikena osik e chunyi,

Ngeche 3:1 ပူးပေါင်းရင်းမြစ်များ

Zaburi 119:11

Akano wachni e chunya, mondo kik akethi e nyimi.

Zaburi 119:153

Neye kaka achandora, kendo yie iwara, nikech wiya ok osewil gi chikni.

Zaburi 119:16

Amor ahinya gi chikeni, kendo wiya ok nowil gi wachni.

Zaburi 119:176

Abayo abaya ka rombo molal, omiyo bi mondo idwara, an jatichni, nikech wiya ok osewil gi chikeni.

Zaburi 119:34

Lerna tiend chikni mondo ariti. Ee, anarite gi chunya duto.

Zaburi 119:61

Ogend joricho oketa diere, to kata kamano wiya ok nyal wil gi chikni.

Zaburi 119:93

Ok anawe chikeni ngang’, nikech gin ema omiyo isemiyo abedo mangima.

Zaburi 91:16

Anami gidag aming’a, mondo gibed mamor gi warruok ma amiyogi.”

Wuok 20:6

to tienge gana gi gana mohera kendo momako chikna, to ahero gi hera mosiko.

Ngeche 1:8

Wuoda, chik iti ni gik ma wuoru puonji, kendo kik idagi gik ma meru wachoni,

Ngeche 16:31

Lwar en osimbo mar duong’, kendo joma kare ema yude.

Ngeche 2:1

Wuoda, mak weche ma apuonji, kendo kan-gi e chunyi.

Ngeche 23:26

Wuoda, chik iti maber mondo ngimana obedni ranyisi.

Ngeche 31:5

nimar ka gimetho to wigi wil gi chik, kendo giketho buch joma odhier machandore.

Ngeche 4:2

Weche ma apuonjou beyo, omiyo makgiuru matek.

Ngeche 4:21

Kik iwe gikadhni, to kan-gi e chunyi,

Ngeche 4:5

Bed gi rieko kod paro matut, kendo kik icha gima anyisi.

Ngeche 8:1

Winjuru kaka rieko luongo! Adier, odwaro ni ji mondo owinj dwonde.

Ngeche 9:1

Rieko osegero ode, kendo osetong’one yien abiriyo mondo obed sirni mage.

Isaya 51:17

A malo! A malo, in dala Jerusalem. Ruoth Nyasaye osekumi malit ahinya komiyi kikombe ma mirimbe opong’o imadho. Adier, isemadho kikombe mamero ji, mi ilung’o.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Rapar mar Chik 4:23

Ritreuru mondo une ni wiu ok owil gi singruok mane Ruoth Nyasaye ma Nyasachu osetimo kodu. Kik ulos kido moro amora maket, kukethogo chik mar Ruoth Nyasaye ma Nyasachu,

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 5:16

“ ‘Luor wuoru gi meru kaka Ruoth Nyasaye ma Nyasachu nochikou, eka mondo udag aming’a, kendo udhi maber e piny ma Ruoth Nyasaye ma Nyasachu biro miyou.

Rapar mar Chik 5:33

Luwuru yo ma Ruoth Nyasaye ma Nyasachu osechikou, mak ubaro koracham kata korachwich. Bang’e eka unubed maber kendo unudag aming’a e piny ma udhi kawo.

Rapar mar Chik 8:1

“Nyaka urit chike duto ma amiyou kawuononi, mondo ubed mangima, mi unya, kendo udonj e piny mane Ruoth Nyasaye osingore ni nomi kwereu, odagie.