Ngeche 27:8 - MUMA MALER 2015

⁸ Ng’at man mabor gi thurgi, chalo mana gi winyo modhi mabor gi ode.

Motingʼo Loko Manyien

⁸ Mana kaka winyo mabayo moa e ode e kaka ngʼatno mabayo aa e dalane.

Ngeche 27:8 ပူးပေါင်းရင်းမြစ်များ

Chakruok 21:14

Ibrahim nochiew gokinyi, momiyo Hagar chiemo kod puga mar pi. Eka noketo nyathi e gok Hagar, mogole odhi. Hagar nowuok modhi, kendo notho wuotho awuotha e thim Beer-sheba.

Chakruok 4:16

Eka Kain noa e nyim Ruoth Nyasaye, modhi odak e piny miluongo ni Nod, yo wuokchieng’ mar Eden.

1 Ruodhi 11:22

Farao nopenje ni, “Ang’o moremi kuoma ka, momiyo idwaro dok thuru?” Nodwoke niya, “Onge gimoro, to weya aweya mondo adhi.” Kamano e kaka Hadad nodoko jasik jo-Israel, mi othagogi. Nobedo ruodh Edom.

1 Ruodhi 19:9

Nodonjo e rogo moro, mobworoe. Eka wach Ruoth Nyasaye nobirone niya, “Elija, itimo ang’o ka?”

Ngeche 21:16

Ng’at moweyo yor rieko ochiko mana piny joma otho.

Ngeche 26:2

Kuong’ ma onge gima omiyo ok nyal mako ng’ato. Gikadho akadha ka winy mahuyo e kor polo to ok pi.

Ngeche 27:7

Ka ng’ato oyieng’ to kata mana mor kich ok odwar. Ka odenyo to kata mana chiemo makech mitne amita!

Isaya 16:2

Ka mond Moab ochopo e kuonde ming’adogo aora Arnon, to ginichal mana nyithi winy morwenyo, ma huyo koni gi koni.

Jona 1:3

To kane Jona owinjo kamano, nowuok mondo oring odhi Tarshish, oa e wang’ Ruoth Nyasaye. Nodhi Jopa, kuma noyudoe yie madhi Tarshish. Nochulo nengo mar wuoth, mi oidho yie mondo odhi Tarshish kuma bor gi Ruoth Nyasaye.

1 Jo-Korintho 7:20

Ng’ato ka ng’ato onego obed mana kaka ne en kane Nyasaye oluonge.

Juda 1:13

Bende ka gitimo timbegi mag wichkuot, to gichalo apaka mager mag nam mathuogo buoyo, kendo gichalo sulue moweyo yorgi, ma mudho mandiwa ema okannigi nyaka chieng’.

1 Samuel 22:5

Gad janabi nowacho ni Daudi niya, “Kik isik e rogo. Wuogi idhi e piny Juda.” Omiyo Daudi noa kanyo, modhi e bungu mar Hereth.