Ngeche 27:23 - MUMA MALER 2015

²³ Rit jambi maber gi rieko kaka inyalo,

Motingʼo Loko Manyien

²³ Bed ni ingʼeyo maber kaka jambi chalo; bende rit maber kwethgi;

Ngeche 27:23 ပူးပေါင်းရင်းမြစ်များ

Chakruok 33:13

To Jakobo nodwoke ni, “Jaduong’, ing’eyo ni nyithindogi pod tindo, to bende nyaka apar jamni madhodho. Kapo ni osemb gi matek kata mana kuom ndalo achiel, to giduto ginyalo tho.

2 Weche mag Ndalo 26:10

E thim bende nogeroe kuonde maboyo mag siro lweny, kendo nokunyo yewni mang’eny, nimar ne en gi jamni mathoth e piny gode kendo e piny pap, bende ne en gi jopur gi jopith mzabibu mane tiyone e gode kod kuonde momew, nikech nohero pur.

Wuok 7:23

kendo noa modok e ode ka ok odewo wachgi.

Ngeche 24:27

Kik igo dala mi iger ot maber kapok iloso puotheni ma miyi chiemo moromi.

Ngeche 24:32

Kane arango puothego ne aparo mi ayudo niya,

Jeremia 31:10

“Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Ezekiel 34:12

mana kaka jakwath rito rombene mane olal moke, to ochako onwang’o. Abiro duogogi kagologi kuonde duto mane gikee, chieng’ masira mane piny otimo mudho.

Ezekiel 34:31

“Un joga, un e kueth jamba makwayo, kendo an e Nyasachu. An Ruoth Nyasaye ema awacho kamano.”

Johana 10:3

En ema jarit rangach yawone. Rombe bende winjo duonde koluongogi achiel achiel gi nyinggi kogologi oko.

Rapar mar Chik 32:46

nowachonigi niya, “Chikuru itu maber mondo uwinj weche duto ma asiemougo kawuono. Puonjuru nyithindu chikego duto, mondo girit kendo gitim, mak giweyo kata achiel,

1 Petro 5:2

Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero.

1 Samuel 17:28

To kane Eliab, owadgi Daudi maduong’, owinjo Daudi ka wuoyo gi jogo, mirima nomake kode, mopenje niya, “Ang’o mokeli ka? Koso ng’ama iweyo ka ritoni rombe manok kande e thim? Ang’eyo sing’ayini, kod richo manie chunyi. Isebiro mana ni mondo ine lweny!”