Ngeche 27:22 - MUMA MALER 2015

²² Kata ka igoyo ng’at mofuwo mi both inego, to pod ofuwo afuwa.

Motingʼo Loko Manyien

²² Kata bed ni iyoko ngʼat mofuwo e pany, iyoke kaka cham miswago, ok inigol fupe oa kuome.

Ngeche 27:22 ပူးပေါင်းရင်းမြစ်များ

1 Ruodhi 13:33

To kata kamano, Jeroboam ne ok oweyo yorene maricho, to nomedo keto jomoko nono mondo obed jodolo ma rito hembko man kuonde moting’ore, kopwodho ng’ato ang’ata ma ne dwaro bedo jadolo.

Wuok 12:30

Farao gi jodonge kod jo-Misri duto nochiew gotienono, kendo ne nitie ywak malich ahinya e Misri nimar ne onge kata dala achiel ma ok nyathi ma wuowi othoe.

Wuok 14:5

Kane onyis Farao ruodh Misri ni jo-Israel oseringo, chunye gi chuny jodonge nolokore ni nonego ni kik giwe gia, mi giwacho niya, “Ang’o mwasetimoni? Waseweyo wasumbwa ma jo-Israel odhi!”

Wuok 15:9

Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’

Ngeche 14:24

Osimb joma riek en mwandu. To gima joma ofuwo sidho gin mana fupgi.

Ngeche 23:35

Bang’e iniwach niya, “Nyaka bed ni ng’ato osechwada, to ok anyal paro gima osetimorena. Nyaka bed ni osegoya, to kata kamano ne ok awinjo kigoya. Ere kaka anyalo chung’ mondo adog ameth kendo?”

Ngeche 26:11

Ng’at mofuwo ma nwoyo gima ofuwo ma osetimo chalo gi guok modok nang’o ng’okne.

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Jeremia 13:23

Bende ja-Nubi nyalo loko kit dende? Koso kwach dilok kite marabok dok kido moro nono? Kapo ni gigo nyalo timore, to kara un bende mutimo gik maricho unyalo timo gik mabeyo!

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

1 Samuel 19:21

Kane onyis Saulo wachno, nochako ooro joote moko, to gin bende ne gidhumore. Eka Saulo nooro joote kendo mar adek, mi kata jogo bende nodhumore.