Ngeche 27:18 - MUMA MALER 2015

¹⁸ Ng’at maloso yiend olembene maber ema nocham olembegi. Kamano bende e kaka jatich marito ruodhe maber nomi duong’.

Motingʼo Loko Manyien

¹⁸ Ngʼat mopidho ngʼowu biro chamo olembe, to ngʼatno marito ruodhe ibiro miyo luor.

Ngeche 27:18 ပူးပေါင်းရင်းမြစ်များ

2 Ruodhi 18:31

Kik uwinj wach Hezekia, nimar ruodh Asuria owacho niya, ‘Winjreuru koda mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

2 Ruodhi 3:11

To Jehoshafat nopenjo niya, “Bende nitie janabi mar Ruoth Nyasaye ka, manyalo penjonwa Ruoth Nyasaye wach?” Achiel kuom jotich ruodh nodwoke niya, “Elisha wuod Shafat, mane tiyo ni Elija, ni ka.”

2 Ruodhi 5:25

To kane Gehazi odonjo e ot, mondo oti ni ruodhe. Elisha nopenje niya, “Gehazi, ia kanye?” Nodwoke ni, “Ne ok adhi kamoro.”

2 Ruodhi 5:27

Omiyo koro dhoho mar Naaman biro maki, kaachiel gi nyikwayi nyaka chieng’” Mi Gehazii noa kanyo kosedoko radhoho, ma dende rachar ka pe.

Zaburi 123:2

Kaka jatich rango ruodhe, kendo kaka jatich ot manyako rango wuon ot motiyone, e kaka wan bende wasiko kwarangi, nyaka chop ikechwa, A Ruoth Nyasachwa.

Wuok 24:13

Musa kaachiel gi Joshua jatichne nodhi e god Nyasaye.

Ngeche 17:2

Misumba mariek nyalo bedo gi loch kuom wuod dala ma kuodo wich, mi pogne mwandu kaachiel gi yawuot dalano mamoko.

Ngeche 22:29

Ng’at ma ong’eyo tije maber ok ti ni ji ajiya, to tiyo mana ni ruodhi.

Ngeche 27:17

Kaka nyinyo piago nyinyo wadgi, e kaka ng’ato bende piago obwongo wadgi.

Ngeche 27:19

Kirango pi, to wang’i iwuon ema ineno, kendo kirango chunyi, to in iwuon ema inenori.

Wer Mamit 8:12

An to an gi puotha awuon mar mzabibu. Emomiyo Solomon, in to bed abeda gi fedha miyudo kuom jopur! Jopur bende mondo obed abeda gi pokgi mar fedha mia ariyo ma giyudo!

Isaya 36:16

Kik uwinj wach Hezekia, nimar ruodh Asuria owacho niya, ‘Winjreuru koda, mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

Mathayo 24:25

Ero, koro asenyisou wachno chon.

Mathayo 24:46

Jatich ma ka ruodhe oduogo, to yudo katiyo kamano, en jahawi.

Mariko 10:43

Kuomu to, ok en kamano. To ka ng’ato kuomu dwaro bedo gi duong’, to nyaka obed jatichu,

Luka 12:37

Mano kaka jotich ma ruodhgi yudo ka neno, kendo oikore, gin johawi! Awachonu adier ni, ruodhgino nong’wan lepe, kendo nomi gibed piny e mesa, mi omigi chiemo.

Luka 12:42

Eka Ruoth Yesu nowacho niya, “Ere ng’ato kuomu machalo gi jatich mogen kendo mariek, ma ruodhe biro keto mondo orit jotich wetene, kendo opognigi chiemo e kinde mowinjore?

Luka 19:17

Eka ruodhe nodwoke ni, ‘Ber ahinya, in jatich maber! Koro kaka iserito gima tinni maber, aketi mondo ibed ruodh mier apar.’

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Tich Joote 10:7

Kane malaika mane wuoyo kode osea, noluongo jotich ode ariyo gi askari moro modimbore, mane achiel kuom joma rite.

1 Jo-Korintho 3:8

Onge pogruok manie e kind jal ma pidho gi jal maolo pi, to Nyasaye nomi ng’ato ka ng’ato pok mana kaka tichne owuon obet.

1 Jo-Korintho 9:13

Donge ung’eyo ni joma tiyo tich Hekalu chamo gik mochiw e Hekalu, kendo ni joma tiyo e kendo-mar-misango bende nwang’o pokgi kuom gik motimgo misango?

1 Jo-Korintho 9:7

Ere jalweny ma dikonyre gi pesane owuon, to ok chule msara? Koso en jakwath mane, ma ok madh chak monyiedho kuom jambe?

Jo-Kolosai 3:22

Un wasumbini bende, winjuru chutho ruodhiu mae pinyni, kendo ka utiyo, to kik uti mana ni mondo ji oneu, ka gima udwaro bedo malong’o ni ji, to keturu chunyu e tichu, nikech uluoro Ruoth

2 Timotheo 2:6

Japur motiyo matek bende ema onego kuong yud pokne kuom cham moka.

1 Petro 2:18

Un wasumbni, nyaka uwinj ruodhiu kumiyogi luor duto, bed ni gin jomamuol kendo mabeyo, kata gin joma kwiny.

1 Petro 2:21

Mano e gima Nyasaye noluongou mondo utim, nimar Kristo owuon bende nosandore nikech un, mi oweyonu ranyisi mondo uluw timne.,

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.