Ngeche 26:4 - MUMA MALER 2015

⁴ Ka idwoko ng’at mofuwo e yo mofuwo, to inyalo doko mofuwo ka en,

Motingʼo Loko Manyien

⁴ Kik idwok ngʼat mofuwo machalre gi fupe, to dipo ka ibiro bedo machal kode.

Ngeche 26:4 ပူးပေါင်းရင်းမြစ်များ

1 Ruodhi 12:14

to noluwo rieko mbesene, kowacho niya, “Wuora nomiyou ting’ mapek, an to abiro medou moloyo. Wuora nochwadou gi del, an to abiro chwadou gi thomoni.”

1 Ruodhi 12:16

Kane jo-Israel oneno ni ruoth ok odewogi, ne gidwoke niya, “Waonge wat gi Daudi! Ok wan libamba achiel gi wuod Jesse! Wadoguru dala, wan jo-Israel. Un oganda Daudi, koro rituru mana dhoodu.”

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

Ngeche 23:9

Kik item wuoyo gi ng’at mofuwo, nikech obiro mana chayo riekoni.

Ngeche 26:5

to ka ok idwoke kaka owinjore, to onyalo paro ni oriek.

Ngeche 29:9

Ka ng’at mariek yalo gi ng’at mofuwo, to oketho kindene kayiem. Ng’at mofuwo biro nyiere anyiera, kagoyo koko kendo yanye.

Isaya 36:21

To ji noling’ thi, ma onge ng’at modwoke wach kata achiel, nikech ruoth Hezekia nosegolo chik ni kik dwoke.

Mathayo 7:6

“Kik umi guogi gik maler, nimar dipo ka gilokore, gikayou. Bende kik ubol kiteu ma nengogi tek ni nguruwe, nono to ginyonogi gi tiendgi.

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,

Juda 1:9

To eka kata mana Mikael, malaika maduong’, kane laro gi Satan ringre Musa, to ne ok ohedhore yanye gi weche maricho, to nowachone mana niya, “Ruoth mondo okweri.”