Ngeche 26:24 - MUMA MALER 2015

²⁴ Jasigu nyalo wuoyo kodi mamit gi dhoge, to chutho chunye maiye wuondi awuonda.

Motingʼo Loko Manyien

²⁴ Jasigu wuondore koumore kod dhoge, to ei chunye okano miriambo.

Ngeche 26:24 ပူးပေါင်းရင်းမြစ်များ

Chakruok 34:13

To yawuot Jakobo nowuondo Shekem gi Hamor wuon mare nikech Shekem nosekuodo wi Dina nyamin-gi.

2 Samuel 13:26

Eka Absalom nowachone niya, “Ka ok iyie biro, to we mondo wadhi gi Amnon owadwa.” Ruoth nodwoke niya, “Ere gimomiyo dodhi kodu?”

2 Samuel 13:27

To Absalom nomienore nyaka oyie ni mondo Amnon gi owetene duto odhi.

2 Samuel 20:9

Nomoso Amasa, kopenje niya, “In nadi, omera?” Eka nomako yie tik Amasa gi lwete ma korachwich mondo onyodhe.

Nehemia 6:2

Mano omiyo Sanbalat gi Geshem noluonga mondo adhi gi Hakefirim e paw Ono, alos kodgi. To mano ne mana riekogi mar timona marach.

Zaburi 12:3

A Ruoth Nyasaye, tiek lep mawacho weche mag wuondgo, kaachiel gi dhok duto mawacho weche mag sunga,

Zaburi 28:3

Kik ikuma kaachiel gi joricho. Gin joma timo timbe mamono, kendo ma wechegi mit, to chunygi opong’ gi sigu.

Zaburi 41:6

Ji mabiro lima, chunygi bor koda. Gidwaro mana winjo weche maricho kuoma, mondo gidhi gilandni ji.

Ngeche 10:18

Ng’at mapando sigu manie chunye en jamriambo, kendo jafuong’ wach en ng’at mofuwo.

Ngeche 11:1

Ruoth Nyasaye mon gi joma pimo gik moko gi rapim ma ok ni kare, to rapim makare ema omorgo.

Ngeche 12:17

Adiera kelo bura makare. Miriambo to kelo mana buch amwor.

Ngeche 12:20

Joma ochano timbe mamono wuondore kendgi giwegi, to joma timbegi long’o yudo mor.

Ngeche 12:5

Joma kare pile timo ni jowadgi maber. Joricho to wuondo jowadgi awuonda.

Ngeche 14:8

Rieko mar ng’at mariek, nyise yo makare monego oluw, to fup joma omemore, miyo gibayo yo.

Ngeche 23:7

Onyalo wachoni ni mondo ichiem kode, to ng’e malong’o ni owuondi awuonda. Ochalo yier momoko e dwondi,

Jeremia 9:4

Ng’ato ka ng’ato nyaka tang’ ni osiepne, kendo onge ng’ama nyalo geno owadgi, nimar owete duto gin jowuond ka Jakobo, bende ng’ato ka ng’ato kuodho osiepne.

1 Samuel 18:17

Saulo nowacho ni Daudi niya, “Ineno Merab nyara maduong’ni? Abiro miyigo, ikende. To in nyaka ibed mathwon, kikedona lwenje gi wasik Ruoth Nyasaye.” To Saulo ne dwaro ni mondo jo-Filistia ema oneg Daudi, ma ok onege en owuon.