Ngeche 26:11 - MUMA MALER 2015

¹¹ Ng’at mofuwo ma nwoyo gima ofuwo ma osetimo chalo gi guok modok nang’o ng’okne.

Motingʼo Loko Manyien

¹¹ Kaka guok dok e ngʼokne mosengʼogo e kaka ngʼat mofuwo nwoyo fupe.

Ngeche 26:11 ပူးပေါင်းရင်းမြစ်များ

Wuok 8:15

To kane Farao oneno ni oyudo yueyo, wiye nochako obet matek, kendo nodagi wach Musa gi Harun, mana kaka Ruoth Nyasaye nosenyiso.

Ngeche 23:35

Bang’e iniwach niya, “Nyaka bed ni ng’ato osechwada, to ok anyal paro gima osetimorena. Nyaka bed ni osegoya, to kata kamano ne ok awinjo kigoya. Ere kaka anyalo chung’ mondo adog ameth kendo?”

Ngeche 26:10

Ng’at ma ndiko ng’ato ang’ata moyudo chalo gi ng’at matho diro aserni adira, ka hinyogo ji duto.

Ngeche 27:22

Kata ka igoyo ng’at mofuwo mi both inego, to pod ofuwo afuwa.

Isaya 28:8

Ging’ok e mesni, kendo kuonde duto ma gintie onywandore.

Mathayo 12:45

Eka owuok odhi oomo jochiende mamoko abiriyo maricho moloye, kendo gidonjo mi gidag e odno. Kamano achien ngima ng’atno doko marach moloyo kaka ne en chon. Mano bende e kaka notimre ni tieng’ marachni.

2 Petro 2:22

Osetimorenigi mana kaka ngero wacho ni, “Guok odok nang’o ng’okne,” kendo ni, “Ngurue moselwoki odok ng’ielore e chuodho.”