Ngeche 25:2 - MUMA MALER 2015

² Wamiyo Nyasaye duong’ kuom gik ma opando. Ruodhi to wamiyo duong’ kuom lero tiend weche.

Motingʼo Loko Manyien

² Wamiyo Nyasaye duongʼ kuom gik ma opando; to lero tiend weche en duongʼ ni ruodhi.

Ngeche 25:2 ပူးပေါင်းရင်းမြစ်များ

2 Samuel 1:5

Eka Daudi nomedo penje kendo niya, “Ere kaka ing’eyo gi Saulo gi Jonathan wuode josetho?”

2 Samuel 14:19

Ruoth nopenje ni, “Joab ni kodi e wachni koso?” Nodwoke niya, “Ruoth, akuong’ora gi nyingi ni onge ng’at ma nyalo mbalore ni weche misewacho. Adier, Joab jatichni ema nonyisa wechego duto mondo awachni.

Ezra 4:15

mondo onon kitepe mondikie weche ma notimore e ndalo ruodhi ma nokwongoni. Kirango kitepego, to ibiro nwang’o ni Jerusalem en dala ma jang’anyo, kendo ma jachand ruoth gi pinye. Bende jodalano osebedo ka jemo kuom higni mathoth. Mano emomiyo ne oketh dalano.

Ezra 4:19

omiyo nyocha agolo chik mondo onon kitepe, mi oseyud ni jodalano osebedo ka ng’anyo kuom kinde malach, kendo wich teko gi ng’anyo bende osebedo kosiko kanyo.

Ezra 5:17

Emomiyo, koro ruoth, kineno ni ber, to yie mondo onon ane ka en adier ni ruoth Kuros nogolo chik mondo oger Hekalu mar Nyasaye Jerusalem. Ruoth bang’e yie iornwa paroni kuom wachni.”

Ezra 6:1

Kuom mano, ruoth Darius nogolo chik mi ne omany od kitepe man Babulon kuma nokanie mwandu, to ne ok oyudo.

Ayub 29:16

to jochan ne abedonigi ka wuon-gi, kendo ne adok ni jodak ka ni e chandruok.

Ayub 38:4

Ne intie ka achweyo piny koso? Nyisa ane, ka en adier ni in ng’ama riek mong’eyo gik moko duto kamano.

Ayub 40:2

Koro iyie weyo piem, koso in gi gima idwaro dwoko?

Ayub 42:3

Ipenjo ni ere gima omiyo ahedhora penjo riekoni, ka an to amemora kama? Koro ayie ni ne awuoyo kuom gik ma akia, kendo kuom honni modhiera winjo.

Ngeche 25:27

Kaka chamo mor kich mathoth ahinya ok ber, e kaka dwaro pak mang’eny bende rach.

Ngeche 25:3

Onge ng’ama ong’eyo chuny ruoth, nimar parone oyombowa mana kaka bor mar polo, kendo tut mar nam.

Eklesiastes 1:13

Ne aketo chunya kuom nono tiend gik moko duto matimore e piny mondo apuonjra tiendgi, mi ayudo ni tich ma Nyasaye osemiyo dhano mondo onyagrego e piny ka lit ahinya.

Rapar mar Chik 29:28

Osedhuologi gi lop tiendgi e pinygi gi mirimbe mager, mi oterogi e piny machielo ma pod gintie nyaka chil kawuono.’

Rapar mar Chik 29:29

“Nitie gik moko mopondo, to gin mag Ruoth Nyasaye ma Nyasachwa, to gik moelnwa tiendgi ema omiwa kaachiel gi nyikwawa nyaka chieng, omiyo wanyalo timo gik moko duto ma chikni dwaro.