Ngeche 24:7 - MUMA MALER 2015

⁷ Ng’at mofuwo ok nyal winjo tiend weche mariek nikech gitut modhiere. Onge gima long’o ma onyalo wacho e bura.

Motingʼo Loko Manyien

⁷ Rieko bor moyombo ngʼat mofuwo; e kar bura mar alap oonge gi gima onyalo wacho.

Ngeche 24:7 ပူးပေါင်းရင်းမြစ်များ

Ayub 31:21

Kapo ni asewuondo nyathi kich moro, nikech ang’eyo ni daloye e bura,

Ayub 5:4

Nyithinde ok nyal yudo konyruok kendo onge ng’ama ochung’ e bura ka chwakogi.

Zaburi 10:5

Odhi maber kuom gik moko duto motimo. Chik Nyasaye to odhiere winjo, kendo ocharo wasike achara.

Zaburi 127:5

Ng’at man gi aserni mang’eny ma kamago en jahawi. Ok noloye ka oromo gi wasike e dhoranga dala.

Ngeche 14:6

Ng’at ma jasunga ok nyal bedo mariek. Ng’at ma weche donjone to puonjore piyopiyo.

Ngeche 15:24

Ng’at mariek idho yo matere e ngima, to ok oluw yo maridore kochomo tho.

Ngeche 17:16

Ng’at mofuwo ketho pesa kuom puonjruok kayiem, nikech oonge gi obwongo mowinjogo gimoro.

Ngeche 17:24

Ng’at mariek keto chunye pile mondo odwar rieko. Ng’at mofuwo to jahubagabaga.

Ngeche 17:7

Ng’at mogen ok riambi, mana kaka ng’at mofuwo ok nyal wacho gima kelo konyruok.

Ngeche 22:22

Kik iyak ng’at modhier mana nikech odhier, kendo ka odonj ni ng’at mathagore, to kik ithage,

Ngeche 28:5

Joma timbegi mono ok ong’eyo adiera, to jogo malamo Ruoth Nyasaye ong’eyo gik moko duto.

Ngeche 31:23

Chwore en jabura mong’ere, kendo en achiel kuom jodong piny.

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Isaya 32:6

nimar ng’at ma achach nobed kawuoyo ka ng’ama achach adier, kendo chunye ka paro mana timo timbe manono. Gik motimo duto nobed gik maricho, kendo ka owuoyo to owacho miriambo koda ka kuom Ruoth Nyasaye. Omono joma odenyo chamo gik ma onego gicham, bende otamo joma riyo oloyo modho.

Amos 5:10

Un to umon gi ng’ama odonjo ni jaketho, kendo uchayo ng’at mawacho adiera.

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

1 Jo-Korintho 2:14

To ng’at maonge gi Roho ok nyal yie weche ma Roho mar Nyasaye nyise. Adier, ok onyal winjo tiendgi maber, nikech ginenore ka gik mofuwo, nimar inyalo nonogi mana gi teko mar Roho.