Ngeche 24:4 - MUMA MALER 2015

⁴ Ng’at mariek keto gik moko mabeyo kendo ma nengogi tek e ute.

Motingʼo Loko Manyien

⁴ kuom ngʼeyo, utene maiye ipongʼo gi gik moko ma ok yudo yot kod mwandu mabeyo.

Ngeche 24:4 ပူးပေါင်းရင်းမြစ်များ

Nehemia 10:39

Jo-Israel gi jo-Lawi nyaka kel mich mag cham gi mag divai gi mag mo e udi mikanoe gik mitiyogo e Hekalu, kendo kama jodolo gi jorit dhorangeye gi jower odakie. Ok wanajwang’ Od Nyasachwa.”

Ayub 28:10

Gitucho lwendni manie gode, kendo giyudoe kite ma nengogi tek.

Ngeche 15:6

Joma kare nigi mwandu mang’eny e miechgi, to gik ma joricho yudo kelonigi mana chandruok.

Ngeche 20:15

Ka iwuoyo gi rieko, to in gi mwandu moloyo dhahabu kata kite ma nengogi tek.

Ngeche 21:20

Gik mabeyo opong’o dala ng’ama riek kendo odhi maber. Joma ofuwo to ketho mwandugi aketha piyopiyo.

Ngeche 24:5

Bedo mariek ber moloyo bedo ratego, Adier, rieko nigi tich moloyo teko.

Ngeche 8:18

An e wuon mwandu kod duong’. Chutho, mwandu mogundho kod gueth ni e lweta.

Ngeche 8:21

kachiwo mwandu ni joma ohera, kendo apong’o utgi gi gik mogundho.

Mathayo 13:52

Eka nomedo wachonigi niya, “Ka kamano, to japuonj Chik mapuonjore wach Loch Polo chalo gi wuon dala magolo mwandun manyien gi machon kar kenone.”