Ngeche 24:23 - MUMA MALER 2015

²³ Wechegi bende gin weche mane joma riek wacho. Ng’ado bura nyakonchiel nikech luoro wang’ en richo.

Motingʼo Loko Manyien

²³ Magi bende gin weche mag jomariek: Luoro wangʼ kuom ngʼado bura ok ber:

Ngeche 24:23 ပူးပေါင်းရင်းမြစ်များ

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Ayub 13:8

Udwaro dok ni Nyasaye koso? Koso udwaro chwake kiyale?

Zaburi 107:43

Joma riek onego onon wechegi, mondo opar hera mosiko mar Nyasaye.

Ngeche 1:6

mondo ong’e tiend ngeche kod weche matek ma joma riek wach.

Ngeche 18:5

Ok en gima kare chwako jaketho, kata ketho buch ng’ama kare.

Ngeche 22:17

Chik iti iwinj weche joma riek, kendo ket chunyi mondo imak rieko ma gipuonji,

Ngeche 28:21

Dok ni ng’ato kayiem ok ber. Jong’ad bura moko nyalo dok ni ng’ato mana ni mondo ocham asoya moro maonge ndhathe!

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Tim jo-Lawi 19:15

“Kik iketh bura kuom dok ni jachan, kata kuom luoro ng’ama duong’ to ng’ad ni wadu bura kare kichung’ e adiera.

Johana 7:24

Mano omiyo kik ung’ad bura kurango mana gik ma oko, to ng’aduru bura mana gi adiera.”

Rapar mar Chik 1:17

Nyaka ubed joratiro kung’ado bura, kendo nyaka uwinj wach ng’at modhier mana kaka uwinjo wach jamoko. Kik uluor wang’ ng’ato, nikech ng’ado bura en mar Nyasaye. Kapo ni uneno ka bura moro tek ahinya, ma ok unyal ng’ado, to kelnagouru mondo ayale.’

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

1 Petro 1:17

Ka ulemo, to uluongo Nyasaye ni Wuoro, Jal mang’ado ni ji duto bura, kaka tim ng’ato ka ng’ato obet, ma ok odewo wang’ ng’ato, omiyo nyaka uluore ndalo duto ma udakgo ka welo e pinyka.