Ngeche 24:22 - MUMA MALER 2015

²² nikech joma kamago nyalo lal nono ka diemo wang’. Bende ing’eyo masira ma biro tieko jogo?

Motingʼo Loko Manyien

²² nimar ji ariyogo biro kelonegi chandruok apoya nono, to en ngʼa ma dingʼe ni en chandruok manade ma ginyalo kelo?

Ngeche 24:22 ပူးပေါင်းရင်းမြစ်များ

Hosea 5:11

Jo-Israel ni e thagruok. Gisewito piny mane margi nikech ne giramo ni nyaka giring gidhi ir ji mamoko mondo okonygi, to kara jogo onge gima dikonygigo.

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Ngeche 20:2

Ka ruoth okecho, to nyaka iluore, mana kaka iluoro sibuor karuto, nikech kimedo wang’o iye, to ichalo mana gi ng’ama dere.

Ngeche 16:14

Pile ng’at mariek dwaro ni mondo ruoth obed mamor, nimar kokecho, to mirimbe nyalo kelo ni ng’ato tho.

Ngeche 6:15

Kuom mano, masiche biro makogi apoya, mi gihinyre malit.

Ngeche 24:16

Ng’at makare nyalo podho ndalo mang’eny, to pod ochako ochung’ achung’a kendo. Jaricho to masira achiel kende ema tieko.

1 Ruodhi 1:49

Eka luoro nomako wend Adonija duto, mi gia malo, kendo ng’ato ka ng’ato nodok dalane.

Eklesiastes 9:12

Ng’ato ok nyal ng’eyo sa ma kindene chopoe, nimar wachalo rech ma tol omako, kata winy ma omoko e wino. Adier, wamoko e sa marach ka ok wang’eyo kata matin.