Ngeche 24:20 - MUMA MALER 2015

²⁰ nimar jaricho onge gi gima ogeno, to tho kende ema ochomogi.

Motingʼo Loko Manyien

²⁰ nimar jaricho onge gi geno mar ndalo mabiro, kendo taya mar ngʼat marach ibiro nego.

Ngeche 24:20 ပူးပေါင်းရင်းမြစ်များ

Ngeche 13:9

Joma kare chalo ler mang’angni. Joricho chalo ler madwaro tho.

Ngeche 20:20

Ka ng’ato okuong’o wuon kata min, to ngimane norum mana ka taya motho e mudho mandiwa.

Zaburi 11:6

Olwaro kite motimo mach maliel kuom joricho, kendo okumogi gi mach mang’ang’ni.

Ayub 21:17

Joricho manok kende ema tho piyo, kendo matin kende ema yudo masira. Bende Nyasaye osekumo joricho gi mirima adier,

Juda 1:13

Bende ka gitimo timbegi mag wichkuot, to gichalo apaka mager mag nam mathuogo buoyo, kendo gichalo sulue moweyo yorgi, ma mudho mandiwa ema okannigi nyaka chieng’.

Mathayo 25:8

Nyiri mofuwo nowacho ni nyiri mariek niya, ‘Pognwaeuru moruno matin, nikech techewa dwaro tho.’

Mathayo 8:12

To joma ne onego bed kuno nowit oko e mudho mandiwa, kama ywagruok gi muodo lak nitie.”

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Ngeche 23:18

Ka itimo kamano to inidhi maber, kendo inidag aming’a.

Zaburi 9:17

Piny joma otho ema joricho duto ochomo, kendo e kar jogo duto modagi Nyasaye.

Ayub 15:31

Ka ogalore, mi ogeno kuom timbe manono, to timbene manono kende ema noyudi.

Ngeche 17:20

Ng’at ma paro mana richo, donjo e chandruok, kendo ng’at ma wacho miriambo yudo mana masira.

Ngeche 21:4

Wang’teko kod sunga ema otelo ni joma timbegi mono, to mano en richo.

Zaburi 37:2

Piyopiyo nono gibiro lal ka lum motwo. Ee, gibiro tho ka oboke ma ner.