Ngeche 24:16 - MUMA MALER 2015

¹⁶ Ng’at makare nyalo podho ndalo mang’eny, to pod ochako ochung’ achung’a kendo. Jaricho to masira achiel kende ema tieko.

Motingʼo Loko Manyien

¹⁶ kata bedni ngʼat makare ogore piny nyadibiriyo, pod obiro chungo kendo; to joricho igoyo piny gi masira.

Ngeche 24:16 ပူးပေါင်းရင်းမြစ်များ

Chakruok 19:35

Kuom mano ne gichako gimero wuon-gi otienono, mi nyako matin bende nodhi moriwore kode, to Lut ne ok ong’eyo gima timore.

Ayub 5:19

E kinde ka kinde obiro resi kuom hinyruok.

Zaburi 34:19

Ng’at maber yudo chandruok mang’eny, to Ruoth Nyasaye rese kuom mago duto,

Zaburi 34:21

Richo biro nego joma timo richo, kendo jogo ma mon gi joma kare biro yudo kum.

Zaburi 37:24

Kata ka opodho, to ok nokungre gi ume, nimar Ruoth Nyasaye omako lwete.

Zaburi 52:5

Kuom mano, Nyasaye notieki chuth. Obiro maki, mi oyudhi oko e piny joma ngima!

Zaburi 7:16

Kamano richone dok e wiye owuon, ka timbene mag mahundu hinye mana en owuon.

Zaburi 79:12

Ruoth, chul kuor ni ogendini mamokogo nyadibiriyo kuom achaya ma gichayigo.

Ngeche 13:17

Jaote ma kite rach kelo chandruok. Ng’at modimbore to kelo kue.

Ngeche 13:21

Chandruok luwo joricho kuonde duto. Joma kare to yudo gik mabeyo.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Ngeche 24:22

nikech joma kamago nyalo lal nono ka diemo wang’. Bende ing’eyo masira ma biro tieko jogo?

Ngeche 6:15

Kuom mano, masiche biro makogi apoya, mi gihinyre malit.

Jeremia 18:17

Anake joga e nyim wasikgi, mana ka buru ma yamb ugue keyo. Abiro lokonigi ng’eya, kendo ok nakonygi ka masira omakogi.”

Jeremia 8:4

In Jeremia, wach ni joga ni an Ruoth Nyasaye awacho kama: “Ka ng’ato opodho, to donge ochako ochung’? Koso ka ng’ato obaro moweyo yo, to donge oduogo e yo kendo?

Ezekiel 7:5

“An Ruoth Nyasaye awacho kama: Koro masiche mang’eny biro makou.

Amos 5:2

“Oganda Israel osepodho, to ok nochak oa malo. Opodho piny auma e lope owuon, kendo onge ng’ama ochunge.”

Amos 8:14

Ji duto makuong’ore gi nying Ashima, ma Nyasaye madhako mar Samaria, kata makuong’ore gi nyasach Dan, kendo gi nyasach Beer-sheba, nopodh chuth, kendo ok nochak oa malo.”

Kwan 32:23

To ng’euru ni ka ok utimo kamano, to unubed joketho e nyim Ruoth Nyasaye, kendo richou nokelnu kum.

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

1 Samuel 26:10

Eka nomedo wacho niya, “Gi nying Ruoth Nyasaye, Ruoth Nyasaye ema chieng’ notieke, kata ka chieng’ thone ochopo, kata kodhi e lweny.

1 Samuel 31:4

Saulo nowacho ni jating’ne gi lweny niya, “Wuodh liganglani, inegago, nono to joma kia Nyasayegi biro chwowa, kendo nyiera.” To jalo nodagi, nikech noluor ahinya. Emomiyo Saulo nomako liganglane owuon, mochwoworee.