Ngeche 24:14 - MUMA MALER 2015

¹⁴ e kaka rieko gi ng’eyo bende ber ni chunyi. Ka iyudogi to inidhi nyime maber, kendo nidag aming’a.

Motingʼo Loko Manyien

¹⁴ Ngʼe bende ne rieko mit ni chunyi; ka iyude, nitie geno mar ndalo mabiro kuomi, to genoni ok nongʼad oko.

Ngeche 24:14 ပူးပေါင်းရင်းမြစ်များ

Zaburi 119:103

Mano kaka chikeni mit. Adier, gimit moloyo mor kich!

Zaburi 119:111

Chikeni gin mwanduna mosiko, kendo gin ema gimiyo chunya mor.

Ngeche 16:24

Weche mamuol chalo mana gi mor kich, ma mit kichamo, kendo kelo del maber.

Ngeche 2:10

Inibed gi rieko, kendo ng’eyo ma in go nokelni mor.

Ngeche 22:18

nikech kikanogi e chunyi, kendo kinyalo hulogi gi wiyi, to inibed mamor.

Ngeche 23:18

Ka itimo kamano to inidhi maber, kendo inidag aming’a.

Jeremia 15:16

Ne iwuoyo koda, mi awinjo wecheni duto. A Ruoth Nyasaye Manyalo Gik Moko Duto, an ng’ati, omiyo wecheni opong’o chunya gi mor kod ilo.

Mathayo 19:21

Yesu nowachone niya, “Ka idwaro doko malong’o chutho, to dhiyo mondo ilok mwanduni pesa, mondo ipog ni joma odhier, eka inibed gi mwandu e polo, to kisetimo kamano, to bi iluwa.”

Jakobo 1:25

To ng’at mang’iyo chik makare mamiyo wabedo thuolo, kendo mosiko ka timo kamano, bende ma ok winj wach mi wiye wilgo to tiyo gi wachno, e ng’at ma oguedhi e gimoro amora motimo.