Ngeche 24:1 - MUMA MALER 2015

¹ Kik nyiego maki gi gik ma joricho nigo, bende kik item bedo osiepgi.

Motingʼo Loko Manyien

¹ Kik nyiego maki gi joricho bende kik iyie chunyi gomb bedo e chokruok margi;

Ngeche 24:1 ပူးပေါင်းရင်းမြစ်များ

Zaburi 1:1

Ng’ama ok oyie gi puonj joma richo, kendo ma ok luw timbe joricho, kata ma ok riwre gi joma ochayo Nyasaye, en jahawi.

Zaburi 26:9

Kik itieka kaachiel gi joricho, kata gi joma chuero remo,

Zaburi 37:1

Kik chunyi chandre nikech timbe joma richo, bende kik iwe nyiego maki gi joma timo richo.

Zaburi 37:7

Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho.

Zaburi 73:3

nikech nyiego ne omaka gi josunga, ka aneno kaka joricho mew.

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

Ngeche 23:17

Kik nyiego maki gi gik ma joricho nigo, to luor mana Ruoth Nyasaye ndalo duto.

Ngeche 24:19

Kik iwe timbe joricho thag chunyi, bende kik nyiego maki gi gik ma gin go,

Ngeche 3:31

Kik nyiego maki gi jomahundu, bende kik iluw timbegi,

Ngeche 4:14

Kik idhi kuonde ma joricho dhiye, bende kik iluw timbegi mamono.

Ngeche 4:15

Kata mana paro timo richo kik ipar, to wichri, kendo idhi yori iwuon.