Ngeche 23:9 - MUMA MALER 2015

⁹ Kik item wuoyo gi ng’at mofuwo, nikech obiro mana chayo riekoni.

Motingʼo Loko Manyien

⁹ Kik iwuo ne ngʼat mofuwo, nikech obiro chayo rieko mag wechegi.

Ngeche 23:9 ပူးပေါင်းရင်းမြစ်များ

Ngeche 1:7

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Ngeche 14:7

Bed mabor gi joma ofuwo, nikech gionge gi gima digipuonji.

Isaya 36:21

To ji noling’ thi, ma onge ng’at modwoke wach kata achiel, nikech ruoth Hezekia nosegolo chik ni kik dwoke.

Mathayo 7:6

“Kik umi guogi gik maler, nimar dipo ka gilokore, gikayou. Bende kik ubol kiteu ma nengogi tek ni nguruwe, nono to ginyonogi gi tiendgi.

Luka 16:14

Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Johana 10:20

Ji mang’eny kuomgi nowacho ni, “Jachien ni kode, kendo ojaneko! Ang’o momiyo uchiko itu ne wechene?”

Johana 8:52

Eka jo-Yahudi nowachone ni, “Koro wang’eyo adier ni jachien ni kodi. Ibrahim ne otho, kendo kata mana jonabi bende notho, to eka pod iwacho ni ng’at mowinjo wachni ok notho nyaka chieng’!

Johana 9:40

Jo-Farisai moko mane ni kanyo nowinjo gima owacho, mi openje ni, “Iparo ni wan bende wan muofni koso?”

Tich Joote 17:18

Jorieko moko mag jo-Epikurio kod jo-Stoiko bende ne joloso kode. Moko kuomgi ne jowacho niya, “Jawach thoreni koro dwaro wacho ang’o?” Moko to nowacho ni, “Onenore jaland wach nyiseche moko ma wakia.” Ne giwacho kamano nikech nolando Wach Maber kuom Yesu, kendo kuom chier.

Tich Joote 17:32

Kane giwinjo kaka Paulo wuoyo kuom tho mar joma otho, moko kuomgi nojare, to moko nowachone ni, “Yie iwachnwae wachni kendo, mondo wawinji.”